Ulttyq bank Ulttyq qor transfertteriniń valıýta naryǵyndaǵy aıyrbasyn jarııalap otyrýy tıis - Prezıdent

NUR-SULTAN. QazAqparat - Ulttyq bank 2020 jyldyń 1 qańtarynan bastap Ulttyq qor transfertteriniń valıýta naryǵyndaǵy aıyrbasyn aı saıyn jáne toqsan saıyn jarııalap otyrýy tıis. Bul týraly búgin Ulttyq qoǵamdyq senim keńesiniń ekinshi otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

Memleket basshysy teńge baǵamynyń turaqsyzdyǵy máselesine de toqtalyp ótti.

«Bul – bizdiń kásipkerlerimiz ben azamattarymyzdy alańdatyp otyrǵan másele. Meniń tapsyrmam boıynsha Ulttyq bank baǵam saıasatynyń ashyqtyǵyn, sol arqyly oǵan halyqtyń senimin arttyratyn tetikterdi ázirledi. Ulttyq bank 2020 jyldyń 1 qańtaryna bastap ulttyq qor transfertteriniń valıýta naryǵyndaǵy aıyrbasyn aı saıyn jáne toqsan saıyn jarııalap otyrýy tıis. Sonymen birge aıyrbas kestesi de jarııalanady. Aqsha-nesıe saıasatynyń strategııasy qabyldanady», - dedi Memleket basshysy.

QR Prezıdenti óziniń Joldaýynda mıkro jáne shaǵyn bıznes tabys salyǵynan úsh jylǵa deıin bosatylatyndyǵy aıtylǵanyn eske saldy.

«Olardy tekserýge dál osyndaı merzimge moratorıı jarııalandy»,- dedi Q.Toqaev.