Ulttyq bank tólem júıesi arqyly kúnine 3,1 trln teńge tólem júrgizgen

ALMATY. QazAqparat – Ulttyq bank ortasha eseppen kúnine ulttyq tólem júıeleri arqyly jalpy somasy 3,1 trln teńgege 169,3 myń tólem júrgizgen, dep habarlaıdy QazAqparat tilshisi.

Byltyr Qazaqstan aýmaǵynda ulttyq valıýtada júrgizilgen qolma-qol aqshasyz tólemder men aqsha aýdarymdarynyń jalpy kólemi 793 trln teńgeni qurady, onyń 96%-y Ulttyq banktiń tólem júıeleri (bankaralyq aqsha aýdarý júıesi jáne bankaralyq klırıng júıesi) arqyly júrgizildi.

«2019 jyly kórsetilgen tólem júıeleri arqyly 762,0 trln teńge somasyna 41,6 mln tranzaktsııa júrgizildi. Ortasha eseppen kúnine ulttyq tólem júıeleri arqyly jalpy somasy 3,1 trln teńgege 169,3 myń tólem júrgiziledi, ıaǵnı operatsııalyq kúnderi orta eseppen mınýtyna 4,4 mlrd teńge ótedi»,– dep habarlaıdy Ulttyq banktiń baspasóz qyzmeti.

Ulttyq banktiń tólem júıeleriniń jumysqa qabilettilik koeffıtsıenti 2019 jyly 99,99% boldy. Bul belgilengen nysanaly kórsetkishten asyp túsedi jáne ulttyq tólem júıeleri jumysynyń joǵary tıimdiligin sıpattaıdy.