Ulttyq bank tikeleı sheteldik ınvestıtsııalardyń ákeliný statıstıkasyn toqsan saıyn jarııalaıdy
«Qarjy tehnologııalaryn odan ári damytý máselesi olardy qarjy naryǵyna engizý turǵysynan ǵana mańyzdy emes, búkil qarjy sektoryn keshendi damytýdyń negizgi faktory bolyp tabylady. Ulttyq bank Qarjy naryǵyn retteý jáne damytý agenttigimen birlesip, 2020 jylǵy 1 shildege deıin Qarjy tehnologııalary men ınnovatsııalardy damytýdyń 2020-2025 jyldarǵa arnalǵan tujyrymdamasynyń jobasyn ázirleıdi», - dedi Erbolat Dosaev.
Onyń atap ótýinshe, barynsha aıqyn málimetti alý úshin Ulttyq bank 2020 jylǵy sáýirden bastap munaı-gaz salasyn esepke almastan tikeleı sheteldik ınvestıtsııalardyń ákeliný statıstıkasyn toqsan saıyn jarııalaıtyn bolady.
«Qarjylyq turaqtylyq jáne qarjy sektoryn odan ári reformalaýdyń barlyq sharalaryn úılestirý Memleket basshysynyń Jarlyǵyna sáıkes qurylǵan Qarjylyq turaqtylyq jónindegi keńes arqyly qamtamasyz etiledi», - dedi ol.