Ulttyq bank stýdentterdi óndiristik tájirıbeden ótýge shaqyrdy

NUR-SULTAN. QazAqparat - Qazaqstan Ulttyq banki talantty jastardy qarjy uıymynyń qurylymynda jumys isteýge tartý maqsatynda óndiristik tájirıbeden ótkizý úshin joǵary oqý oryndarynyń stýdentterin qabyldaıdy, dep habarlaıdy QazAqparat.

Qatysýshylar tapsyratyn ótinim 2021 jylǵy 20 qazannan 20 jeltoqsanǵa deıin qabyldanady

Úmitkerler kelesi talaptarǵa sáıkes bolýǵa tıis:

1. Joǵary nemese joǵary oqý ornynan keıingi bilim berý baǵdarlamalary boıynsha sońǵy kýrsynda oqý;
2. Úlgerimniń ortasha baly (GPA) – keminde 3.0 (bilimdi baǵalaýdyń 4 baldyq júıesi kezinde) nemese keminde 4.0 (bilimdi baǵalaýdyń 5 baldyq júıesi kezinde).
3. Іrikteýge qatysý úshin mynadaı qujattar kerek:
4. Tirkeý formasy;
5. Joǵary oqý orynnyń basshylyǵynan nemese joǵary oqý orynnyń fakýltet basshylyǵynan usynym hat;
6. Úlgerimniń ortasha balyn (GPA) kórsete otyryp, ótken pánder men olar boıynsha baǵalar (transkrıpt) kórsetilgen qujat;
7. Oqý orynnan stýdenttiń joǵary oqý ornynda oqıtynyn rastaıtyn anyqtama;

Qosymsha kelesi qujattar da usynylýy múmkin:

1. Shet tilinen emtıhan tapsyrǵany týraly halyqaralyq sertıfıkattardyń kóshirmeleri (IELTS, TOEFL jáne t.b.);
2. Sertıfıkattardyń, gramotalardyń, dıplomdardyń jáne t.b. kóshirmeleri.
3. Búkil qujatty myna elektrondyq poshtaǵa jiberý qajet: [e-mail].
4. Óndiristik tájirıbe kezinde Ulttyq banktiń barlyq qyzmet baǵytynan ótýge bolady.
5. Stýdentter ózderi alǵan teorııalyq bilimdi óndiristik tájirıbede bekitýge jáne dıplomdyq/magıstrlik jumystardy jazýǵa qajetti materıaldardy jınaqtaýǵa múmkindik alady.
6. Epıdemıologııalyq jaǵdaıǵa baılanysty óndiristik tájirıbe oflaın rejımde de, qashyqtan da ótýi múmkin.