Ulttyq bank «Sálem» saqtandyrý kompanııasynyń lıtsenzııasyn toqtatty

ASTANA. QazAqparat - QR Ulttyq Banki Basqarmasynyń 30 shildedegi qaýlysymen «Sálem» saqtandyrý kompanııasynyń lızentsııasy toqtatyldy, dep habarlaıdy QazAqparat banktiń baspasóz qyzmetine silteme jasap.

Lıtsenzııa bıylǵy 10 tamyzdan bastap 2019 jyldyń 10 aqpanyna deıin toqtatylady. Osy aralyqta kompanııa mindetti nysandaǵy saqtandyrý jáne qaıta saqtandyrý qyzmetin júzege asyra almaıdy.

Atalǵan sheshim «Sálem» SK» AQ  Qazaqstan Respýblıkasynyń zańnamasynda belgilengen prýdentsııalyq normatıvterdiń talaptaryn saqtamaǵany úshin qabyldandy.

«Sálem» kompanııasyna lıtsenzııany toqtatý merzimi aıaqtalǵanǵa deıin qoldanystaǵy saqtandyrý (qaıta saqtandyrý) sharttaryn uzartýǵa jáne jańa saqtandyrý (qaıta saqtandyrý) sharttaryn jasasýǵa, sondaı-aq saqtandyrý agenti retinde deldaldyqty júzege asyrýǵa tyıym salynady.

Buryn jasalǵan saqtandyrý (qaıta saqtandyrý) sharttary boıynsha «Sálem» SK» AQ ózine qabyldaǵan mindettemelerdi oryndaýǵa mindetti.