Ulttyq bank Qazaqstandaǵy valıýtalyq qordyń ahýalynan habardar etti

ASTANA. QazAqparat - QR Ulttyq bank basshysy Danııar Aqyshev Reseıge qarsy salynǵan sanktsııalardyń Qazaqstandaǵy valıýta naryǵyna qalaı áser etkenin aıtyp berdi, dep habarlaıdy QazAqparat tilshisi.

«Sáýir aıynyń basynda Reseıdegi qor naryqtarynyń quldyraý nátıjesinde, Reseı rýbliniń álsireýi aıasynda teńge baǵamy qubyldy. Bul rette jaqsy makroekonomıkalyq kórsetkishterdi eskere otyryp, qazirgi ýaqytta valıýta naryǵyndaǵy ahýal turaqtandy. Jalpy, Reseıdegi oqıǵalarǵa reaktsııany biz qysqa merzimdi ári qalypty dep baǵalaımyz», - dedi Danııar Aqyshev.

Onyń aıtýynsha, Ulttyq banktiń altyn-valıýta rezervteri aldyn ala derekter boıynsha naýryz aıynyń sońynda 31,1 mlrd AQSh dollaryn quraǵan. Jyl basynan bergi ósim 1,1 paıyzdy kórsetken.

«Ulttyq qordyń shetel valıýtasyndaǵy aktıvteri naýryzdyń sońynda 59,3 mlrd AQSh dollary bolyp baǵalandy. Jalpy, halyqaralyq rezervter jyl basynan bastap 1,5 paıyzǵa nemese 1,3 mlrd dollarǵa ulǵaıyp, 90,4 mlrd dollarǵa jetken. Qazirgi kezde aqsha agregattary, depozıtter jáne nesıeler boıynsha І toqsanǵa aqparat joq. Bıyldyń eki aıynda aqsha massasy 3,9 paıyzǵa qysqardy. Onyń qurylymyndaǵy depozıtter kólemi 16,9 trıllıon teńgege deıin azaıdy. Shetel valıýtasyndaǵy salymdar 8,6 paıyzǵa qysqardy», - dedi Danııar Aqyshev.