Ulttyq bank ınvestıtsııalyq portfeldi ártaraptandyrý sharalaryn júrgizýde

NUR-SULTAN. QazAqparat - Ulttyq qordan respýblıkalyq bıýdjetke transfertter bólý úshin mamyr aıynyń basynda 4 mln AQSh dollary satyldy. Bul týraly QazAqparat Ulttyq bankke silteme jasap habarlaıdy.

Mamyr aıynyń qorytyndysy boıynsha, bıýdjetke tólenetin iri salyq tólemderiniń kezeńi jáne valıýtany satýdyń tıisti qajettiligi aıasynda shetel valıýtasynyń usynysy suranystan edáýir asyp tústi. Ótimdilikti qoldaý jáne salyq aptasy kezeńinde shetel valıýtasynyń suranysy men usynysy arasyndaǵy qalyptasqan teńgerimsizdikti teńestirý maqsatynda Ulttyq bank 110,5 mln AQSh dollaryna shetel valıýtasynyń artyq usynysyn satyp aldy.

Ulttyq qordan respýblıkalyq bıýdjetke transfertter bólý úshin mamyr aıynyń basynda 4 mln AQSh dollary satyldy. Budan ári transfertter Ulttyq qorǵa túsetin túsimder esebinen qamtamasyz etilýine baılanysty Ulttyq qordyń valıýtalyq qarajatyn konvertatsııalaý talap etilmedi.

Investıtsııalyq portfeldi ártaraptandyrý úshin zeınetaqy aktıvteriniń valıýtalyq úlesin keminde 30% deńgeıinde ustap turý maqsatynda mamyrda BJZQ zeınetaqy aktıvteri úshin valıýta naryǵynda 74,5 mln AQSh dollary satyp alyndy.

Ulttyq bank teńgerimsizdiktiń jınaqtalýyn boldyrmaıtyn jáne altyn-valıýta rezervteriniń saqtalýyn qamtamasyz etetin ıkemdi baǵam belgileý rejımin ustanýdy jalǵastyrýda.