Ulttyq bank elimizdegi bankterdiń aktıvterine baqylaý júrgizbek

ASTANA. QazAqparat - QR Ulttyq banki elimizdegi bankterdiń aktıvteri sapasyna baǵalaý júrgizedi. Bul týraly búgin QR Parlamenti palatalarynyń birlesken otyrysynda depýtattardyń saýalyna jaýap bergen QR Ulttyq banki tóraǵasy Danııar Aqyshev málim etti, dep habarlaıdy QazAqparat.

«2014 jyly munaı baǵasy quldyraı bastaǵannan keıin eldegi makroekonomıkalyq ahýal nasharlap ketti. Ulttyq valıýta baǵamynyń ózgerýine, ınflıatsııanyń kúrt ósýine baılanysty ekinshi deńgeıli bankter zardap shegip, zaemshylardyń sapasy nasharlady. Osyǵan baılanysty Ulttyq bank elimizdegi bank sektoryn saýyqtyrý boıynsha júıeli jumystardy bastady. Ol úshin ne qajet boldy? Jetkilikti deńgeıde saýyqtyrylmaǵan bank sektoryna nesıe bere bastasaq 2-3 jyldan keıin jańa daǵdarysqa tap bolar edik. Sol sebepti ret-retimen ilgerletý sheshimi qabyldandy. ıAǵnı, nesıelendirýdi jandandyrý úshin aldymen bank sektoryn saýyqtyryp alý qajet», - dedi D. Aqyshev.

Ulttyq bank tóraǵasynyń aıtýynsha, eki iri júıe quraýshy bankpen jumystar júrgizý týraly sheshim qabyldanǵan. Qazirgi ýaqytta eki banktiń arasynda satý-satyp alý mámilesi júzege asyrylýda. Mámileniń naqty qaı kúnde aıaqtalatyndyǵy ázirshe belgisiz.

«Ulttyq bank elimizdegi bankterdiń aktıvteri sapasyna baǵalaý júrgizýdi josparlap otyr. Bul shara shynaıy kartına bankterdiń esep-qısaptaryndaǵy derekterden de nashar bolýy múmkin ekendigin kórsetý úshin jasalady. Mundaı jaıt oryn alǵan bolsa, onda bank aktsıonerleri atalǵan bankterge aýqymdy qarjy quıýǵa tıisti bolady», - dedi ol.