Ulttyq bank tsıfrlyq teńgeniń artyqshylyqtaryn túsindirdi
Ulttyq bank ókiliniń aıtýynsha, tsıfrlyq teńgeni engizý jónindegi pılottyq joba jyl sońynda qabyldanady.
«Jyl sońyna deıin tsıfrlyq teńgeni qoldanysqa engizý qajettiligi týraly sheshim shyǵarýymyz kerek. Ol sheshimdi shyǵarý úshin ekonomıkalyq jáne tehnologııalyq aspektiler keshendi zerttelýi tıis. Biz qazir tehnologııalyq pılottyq joba deńgeıindemiz. Ol bıyl qazan aıynda ótedi. Sonyń qorytyndysy boıynsha, shamamen jeltoqsanda shyǵarylǵan sheshimdi jurtshylyqqa jarııa etemiz. Tsıfrlyq teńge búkil respýblıkada qolma-qol aqshasyz tólem júıesiniń qoljetimdiligin arttyrýǵa aıtarlyqtaı yqpal ete alady. Eń basty artyqshylyǵy - onymen ınternetsiz, oflaın rejımde tólem júrgizýge bolady», - dedi ol.
Bınur Jálenov tsıfrlyq teńge engizilse, qolma-qol jáne qolma-qol emes aqshamen qatar Qazaqstannyń ulttyq valıýtasynyń úshinshi túri bolatynyn aıtty.
«Bizdiń oıymyzsha, tsıfrlyq teńge búkil el boıynsha qolma-qol aqshasyz tólemderdiń qoljetimdiligin aıtarlyqtaı arttyra alady, bul birinshi kezekte olardy ınternetke qosylmaı-aq oflaın rejımde tóleýge bolatyndyǵyna baılanysty. Onyń sondaı-aq naryqtaǵy ınnovatsııalardy damytý úshin aıtarlyqtaı áleýeti bar. Tsıfrlyq teńge azamattardyń barlyq tranzaktsııalaryn qadaǵalaý úshin jasalmaǵanyn atap ótkim keledi, biz tek belgili bir kezeńge deıin ashyqtyq pen suranysty qamtamasyz etetin arhıtektýralyq sheshimderdi arnaıy usynyp otyrmyz. Tsıfrlyq teńge sybaılas jemqorlyqty azaıtýǵa kómektesedi», - dep qosty spıker.
Bınur Jálenovtyń sózinshe, tsıfrlyq teńge ekinshi deńgeıli bankter men tólem uıymdarynyń mobıldi qosymshalarynda qoljetimdi bolmaq.