Ulttyq bank BJZQ qarjysyn Əzerbaıjannan qaıtarý joldaryna pikir bildirdi

ALMATY.QazAqparat - QR Ulttyq bank Əzerbaıjan bankinde ketken Biryńǵaı jınaqtaýshy zeınetaqy qarjysyn qaıtarý boıynsha usynylǵan joldarǵa pikir bildirdi, dep habarlady QazAqparat tilshisi.

Sarapshylardyń aıtýynsha, Qazaqstan úshin eń tıimdi jol retinde  Əzerbaıjannyń Halyqaralyq banki shyǵarǵan jańa oblıgatsııalarǵa aýystyrý usynyldy - 3,5 paıyzben 7 jyl merzimge.

Buǵan deıin 200 mln dollar kólemindegi Əzerbaıjan memlekettik qundy qaǵazdaryn 12 jylǵa 5,125% alý usynylǵan bolatyn. Nemese Əzerbaıjan memlekettik qundy qaǵazdaryn 15 jylǵa 3 paıyzben alý nusqasy qarastyryldy. «Qazir Ulttyq bank təýekelderdi tekserip jatyr. Barlyq varıantta shyǵyn bolady»,- dedi QR UB monetarlyq operatsııa departamentiniń basshysy Əlııa Moldabekova.

Aıta ketý kerek, búgingi baspasóz məslıhatynda BJZQ aktıvterin senimsiz bankke ınvestıtsııalaǵan jaýapty tulǵalardyń aty atalmady. Alaıda belgili bolǵandaı, mundaı problemaly məmile 2014 jyly jasalǵan.

"Investıtsııalyq keńes quramyna UB bólimsheleriniń basshylary kiredi. Ol kezdegi krıterııler basqa boldy. ıAǵnı Əzerbaıjan bankiniń 50 paıyzy qarjy mınıstrligine qarady. Qurylymdaý offshordaǵy kompanııada ótti. Qorqatyn eshteńe joq. Bul naryqta bolatyn praktıka. Problema bizdiń úlesimizdiń tym úlkendiginde. Óıtkeni qundy qaǵazdardyń jalǵyz ıesi - biz. Búgingi tańda bul múmkin emes nərse. Bir sýbektiniń 25 paıyzyn ǵana ıemdenýge ruqsat",- dedi Ə.Moldabekova.