Ulttyq bank: Bazalyq mólsherlemeni kóterý tsıkli aıaǵyna jaqyndap qaldy

ASTANA. QazAqparat – Ulttyq banktiń basqarma tóraǵasy Ǵalymjan Pirmatov bazalyq mólsherlemeni kóterý tsıkli aıaqtalýǵa jaqyn ekenin málimdedi. ıAǵnı, aıaq astynan kútpegen qubylystar bolmasa, bazalyq mólsherleme aldaǵy ýaqytta kóterile qoımaıdy, dep habarlaıdy QazAqparat tilshisi.

Bul týraly ol bazalyq mólsherlemeni kóterý sebepterine arnalǵan brıfıngide aıtty.

«Ulttyq bank bazalyq mólsherlemeni kóterý tsıklin aıaqtaýǵa jaqyndady. Qabyldanǵan sheshim eskersek, bazalyq mólsherlemeniń deńgeıi barynsha joǵary dep baǵalanady. Mólsherlemeni uzaq ýaqyt boıy qazirgi deńgeılerde saqtaý ınflıatsııany turaqtandyrýǵa jáne ony orta merzimdi perspektıvada birtindep tómendetýge múmkindik beredi. Jańa proınflıatsııalyq kútpegen ózgeristerdiń, bolmasa, aqsha-kredıt saıasatyn odan ári qatańdatý yqtımaldyǵyn tómen dep baǵalaımyz», - dep túsindirdi Ulttyq bank basyshsy.

Aıta keteıik, búgin Ulttyq bank bazalyq mólsherlemeniń deńgeıin 16,75% dep belgilegen bolatyn.

Sondaı-aq, Ǵalymjan Pirmatov jyl aıaǵyna deıin eldegi ınflıatsııa 20-21% bolatyny týraly boljam jasady.

«Bazalyq stsenarııdegi boljam aıtarlyqtaı qaıta qaraldy. 2022 jyldyń sońyna deıin ınflıatsııa 20-21% sheginde qalyptasady. Biz 2023 jylǵy 1-toqsanda jyldyq ınflıatsııanyń sharyqtaý shegine jetetinin boljaımyz.

Saýda qurylymyndaǵy ózgeristerdiń uzaqqa sozylýy tutyný taýarlarynyń azyq-túlikke jatpaıtyn segmentinde kórinis taýyp otyr. Saldarynan ınflıatsııanyń artýyna sebepker bolatyn alǵysharttar qalyptasyp otyr. Dezınflıatsııalyq syrtqy ortada ınflıatsııa boıynsha boljam 2023 jyldyń sońyna qaraı 11-13%-ǵa deıin kóterildi. 2024 jyly ınflıatsııa 7-9%, 2025 jyly 4-6% sheginde boljanady», - dedi ol.