Ulttyq bank basshysy teńge baǵamyna qatysty boljam jasady
Bekitilgen baǵamǵa úırenip qalǵan qoǵam teńge baǵamynyń ózgeristerine eleńdep turady. Teńge baǵamyn boljaýmen aınalysyp júrgen sarapshylar men ǵalymdar óte kóp. 2015 jyldan bastap qoǵam teńge baǵamy týraly aqparattardy aýyr qabyldaı bastady.
Negizi bizdiń zertteýimiz boıynsha, qoǵamǵa negatıvti boljam unaıdy. Biraq, búginde boljam jasap júrgen sarapshylardyń kópshiligi ýaqyt kórsetkendeı, qarjy salasyn tolyq bilmeıtin bolyp shyqty. Dollarǵa qatysty teńge baǵamy 400 bolady degen boljamdardyń bri de oryndalǵan joq», - dedi Danııar Aqyshev.
Onyń aıtýynsha, bul tulǵalardyń maqsaty qoǵamda dúrbeleń týdyrý.
«Aqsha naryǵy qalpyna keldi. Naryq qatysýshylary oıyn erejelerine úırendi. Quraldar da qalpyna keldi. Teńge baǵamyna taýar naryǵyndaǵy Qazaqstannyń áriptesteriniń ózgertýleri yqpal etedi. 2017 jyldyń kúzinde Qazaqstanda teńge baǵamy túrli faktorlardyń yqpalymen ózgere bastady. Biz teńge óte quldyramaıtynyn aıttyq, artyq dollar satyp alǵandar shyǵynǵa batatynyn da habarladyq», - dedi bank basshysy.