Ulttyq bank basshysy ekinshi deńgeıli bankterdiń birigýine qatysty oıyn bildirdi
Danııar Aqyshev atalǵan protseste bas qarjylyq retteýshiniń atqarar rólin aıtty.
«Bankterdiń birigýi týraly sheshimdi aktsıonerlerdiń ózi qabyldaıdy. Ulttyq bank salymshylardyń múddesin eskere otyryp, usynystardy qaraıdy. Aldymen, olardyń pikirin, menedjmenttiń oıyn tyńdaımyz. «Tsesnabank» AQ men «Bank Tsentr kredıt» AQ, «RBK» AQ men «Qazaq bank» AQ arasyndaǵy mámilelerge qatysty osyndaı másele. Al «Halyq bankiniń» «Qazkommertsbankti» satyp alýyna kelsek, qazir ózara túsinistik týraly memorandýmǵa qol qoıyldy. Halyq banki Qazkomnyń aktıvteriniń sapasyn tekserip jatyr», - dedi D.Aqyshev.
Bas bankır «Delta bank» AQ lıtsenzııasyn toqtatýǵa baılanysty da pikirin bildirdi.
«Delta bank menedjmenti problemalaryn sheshýge ýaqyt surady. Bizdiń baqylaýymyzsha bank aktıvteri kúızeliste tur. Sondyqtan, 15 maýsymǵa deıin jańa salymdardy qabyldaýǵa tyıym saldyq. Monıtorıng júrgizilip jatyr», - dedi D.Aqyshev.