Ulttyq bank 500 jáne 50 teńgelik «Qara kirpi» monetalaryn aınalysqa engizdi
Olardyń bet jaǵyndaǵy orta bóliginde kirpiniń stıldendirilgen beınesi, monetanyń nomınalyn bildiretin «500 TEŃGE» jánem «50 TEŃGE» degen jazýlar ornalasqan. Joǵary bóliginde soǵylǵan jylyn bildiretin «2013» degen san, aınaldyra shyǵyńqy jıek pen «QAZAQSTAN ULTTYQ BANKІ» degen jazý jáne Qazaqstan teńge saraıynyń taýar belgisi bar. Syrt jaǵynda jıyrylǵan kirpiniń beınesi ornalasqan. Aınaldyra memlekettik tilde «QARA KІRPІ» jáne kirpiniń osy túriniń latyn tilindegi zoologııalyq aty - «HEMIECHINUS HYPOMELAS» jáne shyǵyńqy jıek bar. Bet jáne syrt jaǵyndaǵy beıneler men jazýlar bederli.
Nomınaly 500 teńgelik moneta 925 synamdy kúmisten jasalǵan, massasy - 31,1 gramm, dıametri - 38,61 mm, daıyndaý sapasy - «proof», taralymy - 5 myń dana. Al neızılber qospasynan jasalǵan nomınaly 50 teńgelik monetanyń dıametri - 31 mm, massasy - 11,17 gramm, taralymy - 100 myń dana.
Qara kirpiniń salmaǵy 500-900 gramm, uzyndyǵy 226-272 mm, jýan jáne uzyn (40-42 mm) ıneleri bar. Ol batpaqty, qumdy, tasty shólder men oazısterdi mekendeıdi. Japadan jalǵyz túnde tirshilik etedi. Qazaqstannyń ońtústik-batysynda kezdesedi.