Ulttyq bank: 2020 jyly respýblıka ekonomıkasy 3,8% ósedi
NUR-SULTAN. QazAqparat - Bul týraly Ulttyq bank jarııalanǵan «Inflıatsııaǵa sholýda» aıtylady.
«2019-2020 jyldary ekonomıkanyń ósýi boıynsha boljamdar ulǵaıý jaǵyna qaraı qaıta qaraldy. Boljamdardy qaıta qaraý ınfraqurylymdyq jáne ınvestıtsııalyq jobalardy iske asyrý nátıjesinde 2020 jyly oń fıskaldyq ımpýlspen jáne jalpy jınaqtaýdyń boljamyn neǵurlym joǵary ósý jaǵyna qaıta baǵalaýmen baılanysty», - delingen qujatta.
Qysqa merzimdi bolashaqta ósýdiń negizgi draıveri halyqtyń naqty aqshalaı kiristeriniń ósýimen jáne oń fıskaldyq ımpýlspen qoldaý kórsetiletin tutyný suranysy bolyp qalady. 2020 jyly bıýdjet qyzmetkerlerine tólenetin eńbekaqynyń ósimi aıasynda memlekettik saıasattyń áleýmettik baǵytyn saqtaý, sondaı-aq áleýmettik qoldaý men áleýmettik kómekke arnalǵan bıýdjet shyǵystaryn ulǵaıtý josparlanýda.
Memlekettik basqarý organdardyń tutyný, sondaı-aq eńbekaqy tóleý shyǵystarynyń jáne memlekettik sektordyń jumys pen kórsetiletin qyzmetteriniń satyp alýǵa shyǵyndarynyń ósýi jaǵdaıynda ІJÓ-niń ósýine oń úles qosatyn bolady dep kútilýde.
Ulttyq banktiń boljamyna sáıkes, eksport munaı men gaz kondensatyn óndirýdiń ósýi aıasynda qalypty qarqynmen ósetin bolady. Sonymen qatar EO jáne Qytaı ekonomıkalarynyń baıaýlaýy aıasynda baıaý syrtqy suranysty saqtaý boljanyp otyr. Tutynýshylyq jáne ınvestıtsııalyq suranystyń artýy aıasynda ekonomıkalyq belsendiliktiń serpinine tejeýshi áser ete otyryp, ımport ósetin bolady.
Qysqa merzimdi kezeńde óndiris ádisimen ІJÓ-niń ósýi ekonomıkanyń barlyq negizgi salalalaryna oń serpin beretin bolady. Taý-ken óndirý ónerkásibinde ósim munaı jáne gaz kondensatyn óndirý kólemderiniń ulǵaıýymen baılanysty bolady. Qaıta óńdeý ónerkásibi qara metalýrgııa men tústi metaldarda óndiristi ulǵaıtý esebinen ósim kórsetedi.
«Taý ken óndirý ónerkásibindegi oń serpin jáne tutynýshylyq suranystyń ulǵaıýy saýdanyń ósýine yqpal etedi. Osylarmen qatar, aýqymdy ınfraqurylymdyq jáne ınvestıtsııalyq jobalardy iske asyrý aıasynda qurylys jáne kólikte oń serpindi saqtaý kózdeledi», - delingen «Inflıatsııaǵa sholýda».
Ulttyq bank 2021 jyldyń birinshi jarty jyldyǵynda ІJÓ-niń ósimi biraz baıaýlaıtynyn boljap otyr.
«Tutynýshylyq suranystyń ósý qarqynynyń tómendeýi beıtarap fıskaldyq ımpýls pen halyqtyń naqty aqshalaı kirisiniń barynsha baıaý ósýimen baılanysty bolady. Bul rette, aýqymdy ınfraqurylymdyq jobalardy jáne ónerkásiptik salanyń jobalaryn iske asyrýdan ınvestıtsııalyq belsendilikke áser 2020 jylǵa qaraǵanda tómen bolady. Munaı ónimderin óndirý kólemderiniń neǵurlym baıaý serpini aıasynda naqty eksporttyń baıaýlaýy baıqalady. Sondaı-aq, ımport ta ishki tutynýshylyq jáne ınvestıtsııalyq suranystyń baıaýlaýy nátıjesinde neǵurlym tómen ósý qarqynyn kórsetetin bolady», - dep boljaıdy Ulttyq bank.