Ulttyq bank: 2017 jyly ekonomıkalyq ósý qarqyny 3%-dy quraıdy
Іs-sharaǵa qatysýshylar aldynda sóılegen sózinde D. Aqyshev «Elimizdiń ortalyq banki retinde Ulttyq Bank jahandyq úrdister men syn-qaterlerdi eskere otyryp, ýaqtyly sharalar qabyldaý úshin el ishindegi ǵana emes, odan tys jerlerdegi úrdisterdi de muqııat qadaǵalap otyratynyn» atap ótti.
«Qazaqstan álemdik qoǵamdastyqpen tyǵyz yqpaldasqan, ekonomıkasy ashyq el bolyp tabylady, - dedi ol. - Sońǵy jyldary damýshy elder naryqtary álemdik ekonomıkada aıtarlyqtaı mańyzdy ról atqara bastady. Damýshy elderdiń álemdik ІJÓ-degi úlesi 60%-dy quraıdy, al 10 jyl buryn ol 49% bolatyn. Damýshy naryqtardyń álemdik ІJÓ-niń ósýine qosqan úlesi 2008 jyldan beri 80%-dy qurady jáne damýshy elderdiń ІJÓ-niń ortasha ósýi damyǵan elderdiń ósýinen únemi asyp otyr».
D. Aqyshev «ósýdiń uzaq kezeńine qaramastan, damýshy naryqtar áli de ózgerý satysynda tur jáne keıbir táýekeldermen sıpattalady» dep atap ótti. Onyń aıtýynsha, damyǵan elderdiń, onyń ishinde monetarlyq saladaǵy saıasatynyń aıqyndaýshy máni bar. «AQSh-tyń jańa saıasaty álemdik ekonomıkaǵa negizgi úsh arna arqyly yqpal etedi. Birinshi - bul fıskaldyq yntalandyrý, ol ǵalamdyq ósý jáne shıkizat taýarlarynyń baǵasyna qoldaý áserin tıgizýge tıis. Ekinshisi - protektsıonızmniń joǵary yqtımaldylyǵy, bul damýshy naryqtardyń, atap aıtqanda AQSh-pen taýar aınalymy joǵary naryqtardyń ekonomıkalaryna teris áser etýi múmkin. Jáne úshinshi - AQSh dollarynyń nyǵaıý yqtımaldylyǵy, bul qaryz alý qunyna teris áser etýi múmkin. Máselen, AQSh FRJ paıyzdyq mólsherlemeleriniń kóterilýi mańyzdy faktor bolyp tabylady», - dep habarlady D. Aqyshev, «Ulttyq Bank eldiń ekonomıkalyq damý barysyna áleýetti áser etýi múmkin oqıǵalardy turaqty zerttep, taldaıdy», dep tolyqtyra otyryp. Bul Ulttyq Banktiń aqsha-kredıttik retteý salasyndaǵy saıasatyna jáne sol sııaqty altynvalıýta rezervterin basqarý jáne memlekettiń halyqaralyq saladaǵy ustanymyn ázirleý protsesterine qatysty, dep naqtylady QRUB basshysy.
«Syrtqy naryqtardaǵy ahýal bizge jaǵymdy boldy jáne oń úrdisterge yqpal etip otyr. Munaıdyń álemdik baǵasy salystyrmaly túrde turaqtandy. Reseı ekonomıkasy ınflıatsııa birmezgilde tómendegen kezde oń ósýdi kórsetip otyr. Qytaı ekonomıkasy ınfraqurylymǵa ınvestıtsııalarmen jáne turǵyn úı qurylysyn kredıtteýmen qoldaý tabatyn ornyqty damýdy kórsetýdi jalǵastyryp otyr», - dedi D. Aqyshev.
Sondaı-aq Ulttyq bank basshysy 3 jyl báseńdegennen keıin 2017 jyly el ekonomıkasy qalypqa kelýdiń jaqsy serpinin kórsetip otyrǵandyǵyn jetkizdi.
«1-toqsanda ІJÓ naqty kórsetkishte 3,4%-ǵa ulǵaıdy. Bizdiń baǵalaýymyzsha, 2017 jyly ekonomıkalyq ósý qarqyny shamamen 3%-dy quraıdy, al 2018 jyly 3,5-4%-ǵa deıin jyldamdatylady. Ósýdiń oń serpini ekonomıkanyń barlyq negizgi salalarynda kútilýde, onyń ishinde munaıǵa jatpaıtyn sektor tarapynan da oń úles ulǵaıatyn bolady», dep atap ótti D. Aqyshev.