Ulttyq bank 2006 jylǵy úlgidegi banknottardy qabyldaý jáne aýystyrý merzimin uzartty

ALMATY. QazAqparat – Ulttyq bank 2006 jylǵy úlgidegi nomınaly 2000, 5000 jáne 10000 teńgelik banknottardy aýystyrý merzimin 2021 jyldyń 1 aqpanyna deıin uzartty, dep habarlaıdy QazAqparat tilshisi.

«Halyqtan ótinish túsken soń, aıyrbastaý merzimin uzartý týraly sheshim qabyldadyq. Keıbir azamattar, ásirese, zeınet jasyndaǵy qarııalar ártúrli sebepterge baılanysty eski banknottardy ýaqytynda aıyrbastap úlgermegen», – deıdi Qolma-qol aqsha aınalysy departamentiniń dırektory Jomart Qajmuratov.

Banknottar jeke tulǵalar úshin tek Ulttyq banktiń fılıaldarynda ǵana aıyrbastalady. Olardyń mekenjaıy men baılanys telefony týraly aqparat Ulttyq banktiń saıtynda ornalasqan. 2021 jyldyń 1 aqpanynan keıin banknottardy aıyrbastaý toqtatylady.

Eske sala keteıik, 2006 jylǵy úlgidegi nomınaldarǵa tán banknottardy aıyrbastaý kezeńi 2016 jyldyń qazanynan 2020 jyldyń 5 qazanyna deıin – 4 jyl boıy uzartylyp keldi.

Qosymsha suraqtar týyndaǵan jaǵdaıda Ulttyq banktiń 1477 baılanys ortalyǵyna habarlasýǵa bolady.