Ulttyq bank 200 teńgelik qaǵaz aqshaǵa qatysty málimdeme jasady

ASTANA. QazAqparat – Nomınaly 200 teńgelik banknottar qabyldanbaı jatqany týraly shaǵymdarǵa baılanysty Qazaqstan Ulttyq banki olardyń zańdy tólem quraly sanalatynyn málimdedi, dep habarlaıdy QazAqparat.

«Bul banknotalar Qazaqstan Respýblıkasynyń barlyq aýmaǵynda kez kelgen tólem túri boıynsha qabyldanýǵa mindetti», - delingen habarlamada.

Sondaı-aq Ulttyq bank eske salyp ótkendeı, Qazaqstan Respýblıkasynyń aýmaǵynda aınalymdaǵy ulttyq valıýta banknotalary men monetalaryn belgilengen qunyna qaraı qabyldaýdan bas tartý – «Ákimshilik quqyq buzýshylyq týraly» Qazaqstan Respýblıkasy Kodeksiniń 206-babynda kózdelgen ákimshilik jaýapkershilikke jeteleıdi.

«Buǵan qosa, Ulttyq bank nomınaly 200 teńgelik jańa banknotalardy aınalymǵa shyǵarmaǵanyn atap ótemiz. Aınalymdaǵy 200 teńgelik bankotalar zańdy kúshin joıǵan joq ári tabıǵı tozyǵy jetkende ǵana aınalymnan shyǵarylyp, 200 teńgelik monetalarmen aýystyrylady. Qosymsha suraqtar týyndasa, 1477 nómiri arqyly Ulttyq Banktiń baılanys ortalyǵyna habarlasýǵa bolady», - dep túsindirdi UB.