Ulttyq arna telejúrgizýshilerge kastıng jarııalady
16:39, 04 Shilde 2017
ASTANA. QazAqparat - «Qazaqstan» ulttyq arnasy jańa telejúrgizýshilerge kastıng jarııalady, dep habarlaıdy QazAqparat «Qazaqstan» RTRK» AQ resmı saıtyna silteme jasap.
«Eger Siz telejúrgizýshi bolýdy armandasańyz, «sóz saptaý qabiletim joǵary, túr-kelbetim laıyqty» dep sanasańyz, Ulttyq arnanyń jańa maýsymǵa jarııalaǵan kastıngine qatysýǵa asyǵyńyz!», - delingen habarlamada.
Kastıng 12-14 shilde kúnderi Astanadaǵy Qazmedıa ortalyǵynda ótedi. Oǵan 25-35 jas aralyǵyndaǵy jigitter men 22-30 jas aralyǵyndaǵy qyzdar qatysa alady.
Úmitkerlerge joǵary fılologııalyq nemese jýrnalıstik bilim, televızııaǵa saı kórik jáne til tazalyǵy syndy talaptar qoıylady.
Tolyq aqparat «Qazaqstan» telearnasynyń resmı saıtynda jarııalanǵan.