Ulttyq akademııalyq kitaphanada «Nurly jol - bolashaqtyń jyry bol!» atty kórme ashyldy

ASTANA. QazAqparat - Ulttyq akademııalyq kitaphanada Elbasynyń Qazaqstan halqyna joldaýy aıasynda «Nurly jol - bolashaqtyń jyry bol!» atty kórmeniń ashylýy ótti. Kórme Qazaq Handyǵynyń 550 jyldyǵyna, Uly Otan soǵysyndaǵy jeńistiń 70 jyldyǵy men QR Konstıtýtsııasynyń 20 jyldyǵyna, sondaı-aq Qazaqstan halqy Assambleıasynyń 20 jyldyǵyna arnalǵan, dep habarlady astana.kz

«Nurly jol - bolashaqtyń jyry bol!» kórmesiniń «Qazaq Handyǵyna 550 jyl» atty birinshi bóliminde 180-nen astam kitap pen merzimdi basylymdar usynyldy. «Uly Otan soǵysyndaǵy Jeńiske 70 jyl» atty ekinshi bólimde 140-tan astam kitap pen 13 is-qaǵazdar kórsetildi. Іs-qaǵazdar men kitaptardan bólek zalda UOS ardagerlerin men tyl eńbekkerlerine arnalǵan slaıd-kompozıtsııa ornalastyryldy. Úshinshi bólim - «Qazaqstan konstıtýtsııasynyń 20 jyldyǵynda» 90-nan astam kitap usynyldy. «Qazaqstan halqy Assambleıasynyń 20 jyldyǵyna» arnalǵan sońǵy bólimde kórmege kelgen kórermender nazaryna 70-ten astam kitap usynyldy. Bir aıta ketetini, 2015 jyl Elbasynyń tapsyrmasy boıynsha Qazaqstan halqy Assambleıasynyń jyly dep jarııalandy. Kórmeniń ashylýynda Ulttyq kitaphanaǵa Qazaqstan halqy Assambleıasynyń ǵylymı-ekspertti keńesiniń kitaptary syıǵa tartyldy. Qala qonaqtary men turǵyndary kórmeni jyl boıy tamashalaı alady.