Ulttyq akademııalyq kitaphanada QHA zaly ashyldy (FOTO)
QHA-nyń 20 jyldyǵyna oraı ashylǵan zal kitaphana qyzmetiniń basym baǵyttarynyń biri retinde azamattyq qoǵamnyń negizgi qundylyqtaryn ilgeriletý, mádenıetaralyq suhbat arqyly adamdar arasynda ózara túsinistik pen dostyq qarym-qatynas ornatý maqsatynda jumys isteıdi.
QHA zaly resýrstarynyń negizin 2009 jyly uıymdastyrylǵan QHA depozıtarııiniń qory quraıdy. Onda 1500 danadan astam qujat tirkelgen. Olardyń ishinde erekshe suranysqa ıe monografııalar, ǵylymı konferentsııalar jınaqtary bar.
Sonymen qatar shara barysynda etnomádenı birlestikter qyzmeti jaıyndaǵy «Meniń Qazaqstanym» jáne «Qazaqstan halqy Assambleıasy. Alǵashqy qadamdar (1995-1997 jj.)» jınaqtarynyń tusaýy kesildi.
«Meni Qazaqstanym» anyqtamalyǵynda Qazaqstanda qurylǵan respýblıkalyq, aımaqtyq etnomádenı birlesikter týraly málimetter alǵash ret júıeli túrde basylyp otyr. Al ekinshi jınaqta QR Prezıdenti qorynyń muraǵatynda saqtalǵan qujattar toptastyrylǵan.