Ulttyq joba: Aýyldarda 96 medıtsınalyq nysannyń qurylysy aıaqtaldy

<p>ASTANA. KAZINFORM &ndash; Aýyldarda 655 medıtsınalyq nysan salynady. Bul týraly Májilistiń jalpy otyrysynda Premer-Mınıstrdiń orynbasary Tamara Dúısenova málim etti.</p>

«Turǵyndar negizinen aýyldyq jerlerde medıtsınalyq mekemelerdiń jetkiliksizdigi jóninde suraqtar kótergen. Jalpy aýyl azamattaryn sapaly medıtsınalyq kómekpen qamtamasyz etý maqsatynda, Memleket basshysynyń tapsyrmasyna sáıkes «Aýylda densaýlyq saqtaýdy jańǵyrtý» ulttyq jobasy júzege asyrylyp jatyr. Joba aıasynda qazir 96 nysannyń qurylysy aıaqtaldy, 321 nysannyń qurylysy jalǵasyp keledi. Jalpy olardyń sanyn 655-ke deıin jetkizýdi kózdep otyrmyz», - dedi T. Dúısenova.

Onyń aıtýynsha, aýdandarda birneshe óńirdi qamtıtyn kópsalaly aýrýhanalar jańǵyrtylyp otyr. Oblystarda perınataldyq ortalyqtar salynyp jatyr jáne respýblıkada kóleminde jedel járdem jumysyn retteıtin ári telemedıtsınalyq konsýltatsııa beretin ortalyqtar, sondaı-aq iri onkologııa ortalyqtary iske qosylyp jatyr.

«Qazir bıýdjettiń tapshylyǵyna qaramastan, bul maqsattarǵa Premer-Mınıstrdiń tapsyrmasymen bıýdjetten jáne Úkimet rezervinen tıisti qarajat bólinip jatyr. Bul baǵyt meniń jeke baqylaýymda. Apta saıyn ákimdikterdiń jumysyn qadaǵalap otyrmyz», - dedi vıtse-premer.