Ulttyq ulannyń 650 jaýyngeri sý tasqynynan zardap shekken aımaqtarǵa áli de kómektesip jatyr

<p>ASTANA. KAZINFORM &mdash; Ulttyq ulan jaýyngerleri Qazaqstandaǵy sý tasqyny bolǵan Atyraý oblysynda áli de kómek kórsetýdi jalǵastyryp jatyr. &nbsp;Atyraý oblysyndaǵy jaǵdaıdy quzyretti organdar baqylaýda ustap otyr. Jaıyq ózenindegi sý deńgeıine turaqty monıtorıng júrgizilip jatyr. Qazirgi sátte qutqarýshylar, polıtsııa qyzmetkerleri men ulandyqtar sý tasqynyna qarsy is-sharalar uıymdastyrýdy toqtatqan joq. Atyraý oblysyna taǵy da kóp mólsherdegi sý kelýi múmkin. Saldarynan osy óńirde sý tasqynynyń ekinshi tolqyny bolýy yqtımal degen joramal bar.&nbsp;</p>

QR ІІM Ulttyq ulanynyń baspasóz qyzmetiniń málimetinshe, qazirgi ýaqytta Іshki ister mınıstri polıtsııa general-leıtenanty Erjan Sádenovtiń buıryǵymen ishki ister organdary men Ulttyq ulan jaýyngerleriniń kúshimen jáne quraldarymen Atyraý oblysynda sý tasqynyna qarsy is-sharalar júzege asyrylyp jatyr.

Foto: QR ІІM Ulttyq ulanynyń baspasóz qyzmeti

Máselen, búginde 5546 (Atyraý q.) jáne 5451 (Qaraǵandy q.) áskerı bólimderinen 700–ge jýyq áskerı qyzmetshi osy óńirge tartyldy. Ulandyqtar polıtseıler sondaı-aq qutqarýshylarmen birlesip ınertti materıaldary bar qapshyq daıyndaý, bóget salý, sý aıdyndarynyń jaǵalaýyn nyǵaıtý jumystarymen, áli de adamdardy evakýatsııalaýmen shuǵyldanyp jatyr.

Sonymen qatar, tańnan keshke deıin 150-den astam atyraýlyq áskerı qyzmetshi Erkinqala kentindegi sý tasqynyna qarsy is-sharalarǵa qatysyp jatyr. Al, Atyraý polkiniń 20-ǵa jýyq sarbazy únemi kelip turatyn gýmanıtarlyq kómekti túsirýmen jáne tıeýmen shuǵyldanyp jatyr.

Foto: QR ІІM Ulttyq ulanynyń baspasóz qyzmeti

Qaraǵandylyq ulandyqtar Rakýsha kentinde jaǵalaýdy nyǵaıtý, qaptarǵa qum toltyrý jáne olardy tóseý jumystarymen aınalysyp jatyr. Budan bólek olar Atyraý-Kópir-Álıev, Balyqshy, Kók-Arna-Balyq zaýyty, Jańatalap, Balyq aýlaý kanaly shaǵyn aýdandary men Atyraý-Inder-Besikti tas joly, Sýarnasy-Ortalyq, FOK mańaılaryndaǵy jumystarǵa da jumyldyrylǵan. 5451 áskerı bóliminiń sarbazdary Qulsary qalasynyń aýmaǵynda qoǵamdyq tártipti qamtamasyz etýdi qolǵa alǵan. Áskerı qyzmetshiler osy iri eldi mekende eki aýysymda patrýldik-bekettik qyzmet atqarady.

Foto: QR ІІM Ulttyq ulanynyń baspasóz qyzmeti

Aıta keteıik, 5517 (Oral q.) jáne 6655 (Aqtóbe q.) áskerı bólimderiniń 400 áskerı qyzmetshisi de óz óńirlerinde patrýldik-bekettik qyzmet atqaryp júr. Ulandyqtar kúndiz-túni qaýipsizdik maqsatynda azamattardy sý basqan úılerge jibermeı tur. Olarǵa Ulttyq ulannyń Mı-171E tikushaǵy kómekke berildi.

«Jalpy, sý basqan óńirlerdegi sý tasqynyna qarsy is-sharalar bastalǵannan beri apattyń aldyn alý jáne saldaryn joıý úshin 3000-nan astam ulandyq jumyldyryldy. Olar 120 avtomobıl tehnıkasy men 6 áýe kemesin paıdalandy. Nátıjesinde 1781 adam evakýatsııalandy, uzyndyǵy 115 shaqyrymnan astam jaǵalaýdy nyǵaıtý jumystary júrgizildi. Sondaı-aq 1 463 500 qap daıyndalyp, bilgilengen jerlerge tóseldi. Sý tasqyny bolǵan jerlerge 160 tonnadan astam gýmanıtarlyq júk jetkizildi jáne kúzetshiler 2300 tonna gýmanıtarlyq júkti túsirýge kómek berdi»,  — delingen habarlamada.