Ulttyq ulan sarbazyn poıyz tambýrynda uryp-soqqandar ustaldy

<p>ASTANA. KAZINFORM &ndash; Jedel-tergeý is-sharalary nátıjesinde Ulttyq ulannyń merzimdi qyzmetiniń burynǵy áskerı qyzmetshisin uryp-soǵýǵa qatysy bar adamdardyń ornalasqan jerleri anyqtaldy.</p>

«Jábirlenýshige dene jaraqatyn keltirgen eki kúdikti, ıaǵnı onyń burynǵy qyzmettesteri turǵylyqty jeri boıynsha bir táýlik ishinde Astana qalasynda ustaldy. Ekeýi de ýaqytsha ustaý ızolıatoryna qamaldy.

Tergeý aıasynda barlyq kúdiktilerden jaýap alyndy.

Olardyń áreketterine, sonyń ishinde beınetúsirilim jasaǵan adamǵa da quqyqtyq baǵa beriledi», — dep málimdedi ІІM-nen.

Tergeý áreketteri jalǵasýda.

Aıta keteıik, keshe Prezıdent belgisiz adamdardyń Ulttyq ulan sarbazyn poıyz tambýrynda urǵany taspalanǵan beınematerıalmen tanysyp shyqqanyn, artynsha ІІM-ne shuǵyl tapsyrma júktegenin jazǵan bolatynbyz. 

Sonymen qatar poıyzdaǵy álimjettik byltyr sarbazdar áskerden qaıtyp bara jatqanda bolǵany anyqtaldy.