Ulttyq ulan sarbazdary kisi óltirgen adamdy izin sýytpaı ustady

<p>ASTANA. KAZINFORM - QR ІІM Ulttyq ulanynyń 5510 áskerı bóliminiń jaýyngerleri Kókshetaý qalasynda kisi ólimine sebepshi bolǵan kúdiktini jedel túrde qolǵa túsirdi, dep habarlaıdy QR ІІM Ulttyq ulanynyń baspasóz qyzmeti.</p>

Aýyr qylmys týraly habar jedel basqarý ortalyǵyna saǵat 20:00 shamasynda túsken. Marqumnyń denesin taýyp alǵan jergilikti turǵyn birden polıtsııaǵa habarlaǵan. Kúdiktige qatysty baǵdar dereý polıtsııa jasaqtary men áskerı qyzmetshilerge taratylady.

– Shuǵyl aqparat túsken boıda izdeý sharalaryn bastap kettik. Arada 20 mınýttaı ýaqyt ótkende Áýezov kóshesinen mas kúıde júrgen úsh adamdy baıqadyq. Tintý barysynda olardyń bireýiniń qaltasynan qylmys týraly aryz bergen azamattyń jeke kýáligi tabyldy, – deıdi áskerı jasaq bastyǵy aǵa serjant Janǵazy Shaıhın.

Kúdiktilerdiń biri qashyp ketpek bolǵanymen, ulandyqtar ony jyldam ustap úlgergen. Tintý kezinde kúdiktiler dórekilik tanytyp, buıryqtardy oryndaýdan bas tartqan. Úsh kúdikti de Kókshetaý qalalyq polıtsııa basqarmasyna jetkizildi.

Tergeý barysynda kúdiktilerdiń biri kisi óltirgenin moıyndady. Qazirgi ýaqytta atalǵan fakt boıynsha qylmystyq is qozǵalyp, tergeý júrgizilýde.

-Jedel ári kásibı áreket etkeni úshin ulandyqtar aldaǵy ýaqytta marapatqa usynylatyn bolady, - delingen habarlamada.

Almatyda transulttyq uıymdasqan qylmystyq top músheleri sottalǵanyn jazdyq.