Ulttyq ulan akademııasynyń kýrsanttary jappaı qyzylshamen aýyryp jatyr

<p>Petropavldaǵy QR Ulttyq ulany akademııasynyń kýrsanttary qyzylsha juqtyryp aýyryp jatyr. Búginde syrqattar sany 15-ke jetti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Soltústik Qazaqstan oblysy sanıtarııalyq-epıdemıologııalyq baqylaý departamentiniń basshysy Áset Jumataevtyń aıtýynsha, Petropavldaǵy Ulttyq ulan  akademııasynda buǵan deıin kýrsanttardyń bireýi qyzylshamen aýyrǵan.

Keıin ol basqalaryna juǵa bastaǵan.

«Búginde aýyrǵandar sany 15-ke jetip otyr. Áli de ınfektsııany juqtyrýy múmkin kúdiktiler bar. Osyndaı aýrý oshaǵy anyqtalǵan jaǵdaıda 72 saǵat ishinde kúntizbege sáıkes egildi degen qujaty tekseriledi, bolmaǵan jaǵdaıda biz ol adamdarǵa qosymsha ekpe salamyz. Búgingi tańda bul oqý ornynda osyndaı sharalar qolǵa alyndy, oǵan qosa medıtsınalyq qyzmetkerler qatynasta bolǵan adamdardy baqylaýǵa aldy», - deıdi Áset Jumataev.

Mamannyń aıtýynsha, aýrýdyń saldary jaman, asqynǵan jaǵdaıda adamnyń qulaǵy bitip, mıy qabynýyna, ókpe aýrýlaryna ákeledi.

«Aýyryp em izdegenshe, aýyrmaýdyń jolyn izdegen jón. Búgingi tańda aldyn alýdyń birden-bir senimdi joly - vaktsınatsııa. Qyzylshanyń odan ári taralýyn boldyrmaý úshin qosymsha ekpe júrgizýge sheshim qabyldandy. Bas memlekettik sanıtarııa dárigeriniń qaýlysyna sáıkes 6 qarashadan bastap qyzylshaǵa, qyzamyq jáne parotıtke qarsy jappaı ımmýndaý júrip jatyr. Oblysta qyzylshaǵa qarsy qosymsha jappaı ımmýndaý barysynda egilýge tıis jospardan 6,3% nemese 1661 bala egildi», - deıdi Áset Jumataev.