Ulttyq sport túrlerinen Almaty oblysy chempıonatynyń ashylý saltanaty ótti

<p>ShONJY. &nbsp;KAZINFORM &ndash; Uıǵyr aýdanyndaǵy Shonjy ıppodromynda 2004-2006 jyly týǵan eresekter men jasóspirimder arasynda <a target="_blank">ulttyq jáne at sporty túrlerinen </a>Almaty oblysy chempıonatynyń saltanatty ashylýy ótti.</p>

Ulttyq sport túrleri – tarıhymyzdyń, qazaq halqynyń bolmysynyń aınasy. Olardy damytý arqyly ulttyq at sportyn keńinen nasıhattaýdy, jastardy ulttyq sport túrlerimen aınalysýǵa shaqyryp, otansúıgishtikke baýlımyz.

«Bilimdi, tárbıeli, deni saý urpaq – ulttyń eń qymbat baılyǵy ekeni anyq. Sondyqtan Memleket basshysy Qasym-Jomart Toqaev Elbasy retindegi alǵashqy Joldaýynda da buqaralyq sportty damytýǵa erekshe kóńil bóldi. Ásirese, ulttyq sport oıyndary erekshe baǵalanyp, qazirgi tańda dástúrli sport túrlerinen jyl saıyn túrli deńgeıdegi jarystar ótkizilip keledi», - dedi Uıǵyr aýdanynyń ákimi Bota Eleýsizova.

Bul chempıonat oblystyń barlyq aýdandarynan 200-ge jýyq qatysýshynyń basyn qosty. «Aýdaryspaq», «Jamby atý», «Teńge ilý» jáne «Kókpar» sııaqty sport túrlerinen jarystar ótkiziledi.

Baıqaý 30 naýryzǵa deıin jalǵasady, onyń qorytyndysy boıynsha jeńimpazdar anyqtalady.