Ulttyq olımpıada komıtetine sportshylardy daıyndaýǵa aqsha bólinbeıtin boldy

<p>Týrızm jáne sport vıtse-mınıstri Serik Jarasbaev Májilistegi áleýmettik-mádenı damý komıtetiniń otyrysynan keıin jýrnalıster suraǵyna bergen jaýabynda Ulttyq olımpıada komıtetiniń keleshektegi mártebesi jóninde pikir bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Ulttyq olımpıada komıteti negizinen Halyqaralyq olımpıada komıtetiniń statýsymen bekitilgen. Ár elde halyqaralyq sport uıymdarymen baılanys ornatatyn ulttyq olımpıada komıtetteri bar. Bizde de endi solaı óziniń tikeleı jumysymen ǵana aınalysady. Ózińiz bilesiz, keıingi alty jyldyń bes jylynda Ulttyq olımpıada komıteti sportshylardy daıyndaýmen de aınalysty. Qazir ol fýnktsııalardy zań arqyly alyp tastaımyz. Osydan keıin tek qana halyqaralyq uıymdarmen baılanys baǵytynda jumys isteıtin bolady», - dedi ol.

Vıtse-mınıstr Olımpıadaǵa sportshylardy daıyndaý úshin atalǵan 5 jylda Ulttyq olımpıada komıtetine qansha qarajat bólingenin naqty ataı almaıtynyn aıtty.

«Ony qazir naqty aıta almaımyn. Sebebi meniń bul qyzmetke kelgenime bir aı boldy. Byltyrdan beri Ulttyq olımpıada komıteti Olımp oıyndaryna sportshy daıyndaý bıýdjetinen shettetilgen. Ol fýnktsııany qazir bizdiń mınıstrlik qurylymyndaǵy sportty damytý dırektsııasy atqarady. Endi sony zań aıasynda bekitip tastasaq dep otyrmyz», - dedi Serik Jarasbaev.