Ulttyq mýzeıge 10 jyl: Qazaqstandyq sýretshilerdiń týyndylar jınaǵy jaryq kórdi
«Bıyl Ulttyq mýzeıdiń 10 jyldyǵyna arnalǵan birneshe is-shara josparlanǵan. Solardyń ishindegi mańyzdylarynyń biri beıneleý óneri boıynsha bizdiń qordaǵy týyndylar kórmesi. Bul kórmege Memleket basshysy Qasym-Jomart Toqaev qyzyǵýshylyq tanytyp, arnaıy kelip tamashalady. Jyly lebizin bildirdi. Bizdiń qorda 4 myńnan astam kartına bar. Búgingi kórme sáýirde ashyldy, kelesi aptada basqa kórme jumysyn bastaıdy. Kórmege 200-ge jýyq týyndy qoıyldy», - dedi Ulttyq mýzeı dırektorynyń ǵylymı jumystar jónindegi orynbasary Aqmaral Ibraeva.
Mereıtoılyq kórmege ulttyq mýzeı qoryndaǵy Ábilhan Qasteev, Áýbákir Ysmaıylov, Oral Tańsyqbaev, Salıhıtdın Aıtbaev, Úki Ájıev, Aısha Ǵalymbaeva, Gúlfaırýs Ysmaıylova, Kamıl Mýllashev, Amandos Aqanaev, Erbolat Tólepbaı, Alpysbaı Qazǵulov, Aǵymsaly Dúzelhanov jáne taǵy basqa kóptegen qazaqstandyq tanymal qylqalam sheberleriniń týyndylary qoıylǵan.
Uıymdastyrýshylardyń aıtýynsha, týyndylardyń basym bóligi halyqqa alǵash ret kórsetilip otyr. qazaqstandyq sýretshilerdiń týyndylarynyń katalogynyń tusaýkeser rásimine Qazaqstan jazýshylar odaǵy basshylyǵy, Ulttyq mýzeı qyzmetkerleri, tanymal sýretshiler men ónertanýshylar qatysty.