Ulttyq mýzeıde Dımash Qudaıbergenniń shyǵarmashylyǵyna arnalǵan kórme ashylady

<p>ASTANA. KAZINFORM &mdash; 12 qyrkúıek kúni saǵat 15:00-de QR Mádenıet jáne aqparat mınıstrliginiń qoldaýymen QR Ulttyq mýzeıinde Qazaqstannyń halyq ártisi, kompozıtor jáne mýltıaspapshy Dımash Qudaıbergenniń shyǵarmashylyǵyna arnalǵan &laquo;Dúnıe dıdaryndaǵy Dımash&raquo; atty kórmeniń ashylý rásimi ótedi.</p>

Kórme halyqtyń súıiktisi Dımash Qudaıbergenniń Astanadaǵy kontserti aıasynda ártistiń shyǵarmashylyq joly men jetistikterin kórsetetin biregeı mádenı keńistik qurýǵa baǵyttalǵan.

Mádenıet jáne aqparat mınıstrliginiń baspasóz qyzmeti málimetinshe, «Dúnıe dıdaryndaǵy Dımash» kórmesine qazaq janynyń bolmysyn beıneleıtin, onyń qaıtalanbas únin qalyptastyrǵan, ómirindegi eleýli oqıǵalar týraly habar beretin qundylyqtar, tanymal tulǵalar men kóptegen jankúıerlerdiń syılyǵy usynylady. 

Foto: Mádenıet jáne aqparat mınıstrligi

Kórme mazmuny jaǵynan bir-birimen baılanysty kelesi bólimderden quralǵan:

«Shabyt kózderi» – ártistiń ómirbaıany, ósken ortasy, balalyq shaǵy men shyǵarmashylyq jolyn kórsetetin zattar (fotosýretter, jekelegen zattar);

«Dańqqa aparar jol» – kásibı bilim jolynda alǵan dıplomdary, respýblıkalyq, halyqaralyq baıqaýlarda ıelengen marapattary jáne t.b.; 

«Jankúıerler mahabbaty» – ártistiń jankúıerleri tartý etken syılyqtar;

«Ult mádenıetiniń jarshysy» – álemdik arenada ulttyq mádenıet pen brendtiń tanylýyna yqpal etetin Dımashtyń zattary (ulttyq mýzykalyq aspaptar, ulttyq kostıýmderi, baspa materıaldary jáne t.b.). 

Kórme 6 qazanǵa deıin jalǵasady.