Ulttyq mýzeıde 500-den astam otandyq monetalar kórmesi ótti
Kórme eksponattary eldiń qalyptasýy men damýyn sýretteıtin negizgi mádenı, saıası jáne tarıhı kezeńderdi qamtıdy jáne halqymyzdyń ádet-ǵuryptary men salt-dástúrin kórsetedi.
Kelýshiler altynnan, kúmisten, sondaı-aq baǵaly emes metaldardan jasalǵan 500-den astam túrli monetalarmen tanysty. Olardy daıyndaý kezinde jańa tehnologııalar qoldanylǵan. Sonymen qatar, ekspozıtsııaǵa halyqaralyq baıqaýlarda oryn alǵan, salmaǵy 2 keli sırek kezdesetin iri monetalar qoıyldy.
«Sharanyń negizgi maqsaty – «Saq stıli» banknotalary men KOKBÓRI ınvestıtsııalyq monetalarynyń jańa serııasyn kópshilikke tanystyrý, banknotalar men monetalar shyǵarý salasyndaǵy Qazaqstannyń jetistikterin kórsetý boldy. Kórmede ulttyq valıýtanyń jańa banknottyq serııasy usynyldy. Ol «Saq stıli» elementterine negizdelgen jáne kóshpendilerdiń biregeı mádenıetinen bastap zamanaýı Qazaqstanǵa deıingi el murasyn beıneleıdi», - dep jazylǵan QR Ulttyq bankiniń habarlamasynda.
Sondaı-aq ekspozıtsııada Ulttyq bank dızaınerleri KOKBÓRI ınvestıtsııalyq monetalarynyń rebrendıngi týraly aıtyp berdi. Ulttyq naqysh elementteri qamtylǵan biregeılik pen dızaınerlik sheshim KOKBÓRI monetalaryna ınvestıtsııalyq qural retinde ǵana emes, kollektsııalaý men syılyq retinde de qyzyǵýshylyqty arttyrýǵa kómektesedi.