Ulttyq mýzeıdi 10 jylda 4,6 mln-nan astam kelýshi tamashalaǵan
Sonymen qatar 3 041 is-shara uıymdastyrylǵan, onyń ishinde 318 kórme, 27 konferentsııa, 8 forým, 169 dóńgelek ústel, 736 úıirme sabaǵy, 922 mýzeı sabaǵy, 116 arheologııalyq, 24 etnografııalyq ekspedıtsııa ótken.
Odan bólek, mýzeı qabyrǵasynda 47 monografııa, 28 katalog, 8 entsıklopedııa, 10 konferentsııa jınaǵy, 5 qujattar jınaǵy, 3 sózdik jáne 1191 ǵylymı maqala jaryq kórgen.
10 jyldyń ishinde Ulttyq mýzeıde 4 608 328 kelýshi bolǵan, sondaı-aq shetelderge uıymdastyrylǵan kórmelerge 2 201 600 adam barǵan.
Buǵan deıin habarlaǵanymyzdaı, búgin Ulttyq mýzeıde «Dala keskindemesi: rámizder, boıaýlar, beıneler» kórmesiniń aıasynda otandyq sýretshilerdiń týyndylary toptastyrylǵan katalogy jaryq kórdi.
Mereıtoılyq kórmege ulttyq mýzeı qoryndaǵy Ábilhan Qasteev, Áýbákir Ysmaıylov, Oral Tańsyqbaev, Salıhıtdın Aıtbaev, Úki Ájıev, Aısha Ǵalymbaeva, Gúlfaırýs Ysmaıylova, Kamıl Mýllashev, Amandos Aqanaev, Erbolat Tólepbaı, Alpysbaı Qazǵulov, Aǵymsaly Dúzelhanov jáne taǵy basqa kóptegen qazaqstandyq tanymal qylqalam sheberiniń týyndylary qoıylǵan.