Ulttyq qurama oıynshysy Erkin Tapalov «Qaıratqa» aýysty

<p>ALMATY. KAZINFORM &mdash; Fýtboldan Qazaqstan ulttyq quramasynyń oıynshysy Erkin Tapalov &laquo;Tobyldan&raquo; el chempıony &laquo;Qaıratqa&raquo; aýysty.</p>

«Qaırat» fýtbol klýbynyń málimetine qaraǵanda, E.Tapalovpen kelisim 2025 jyldyń sońyna deıin bir maýsymǵa uzartý múmkindigimen birge eseptelgen.

Erkin Tapalov 1993 jyly 3 qyrkúıekte Batys Qazaqstan oblysynda dúnıege kelgen. Jartylaı qorǵaýshy, sondaı-aq qaptalda da oınaı alady. Boıy - 180 sm, salmaǵy - 77 kg.

Erkin – oraldyq «Aqjaıyq» fýtbol klýbynyń túlegi. Ol kásipqoı mansabyn 2011 jyly týǵan komandasynda bastap, onda toǵyz maýsym oınady. Oǵan qosa «Jetisý», «Kaspıı», «Shahter», «Turan», «Qyzyljardyń» namysyn qorǵaǵan. Qazaqstan premer-lıgasynda jalpy 197 match ótkizgen.

E.Tapalov ótken maýsymdy qostanaılyq «Tobylda» ótkizip, barlyq týrnırde 27 match oınap, 2 gol soǵyp, 4 nátıjeli pas berdi.

Jartylaı qorǵaýshy 2019 jyly Qazaqstan quramasy sapynda debıýt jasap, sodan beri ulttyq quramada 17 oıyn ótkizgen.

Erkin Tapalov bıyl tórt dúrkin el chempıony atanǵan «Qaırat» (Almaty) komandasy sapyna qosylǵanyna qýanyshty ekendigin jetkizdi.

Eske sala keteıik, budan buryn «Aqjaıyq» oıynshylary chempıonat matchyna qatysýdan bas tartqanyn jazǵan bolatynbyz.

«Aqjaıyq» fýtbol klýby ótken maýsymdy birinshi lıgada ótkizip, 11-orynmen aıaqtady.

Oraldyq komandaǵa bıýdjetten qarjy bólý máselesi jyl boıy sheshilgen joq.