Ulttyq qordyń otandyq kompanııalarǵa salǵan qarajatynan túsetin túsim tómen

<p>ASTANA. KAZINFORM &ndash; Ulttyq qordyń otandyq kompanııalarǵa salǵan salymdarynan túsetin túsim tómen. Bul jaıynda Joǵary aýdıtorlyq palatanyń 2023 jylǵy respýblıkalyq bıýdjettiń atqarylýy týraly Úkimet esebine qorytyndysynda aıtylǵan.&nbsp;</p>

«2022 jylǵy Tujyrymdamada Ulttyq qordan oblıgatsııalyq qaryzdar nysanynda qarajat bólýdiń múmkindigi qarastyryldy. Soǵan sáıkes 2023 jyly temir jol ýchaskesiniń qurylysyn qarjylandyrý úshin «Samuryq-Qazyna» UÁQ» AQ-nyń 336,5 mlrd teńgege baǵaly qaǵazdary qosymsha satyp alyndy», - delingen Úkimet esebine berilgen baıandamada. 

Qujatta 2023 jyly QR Prezıdentiniń Jarlyǵymen 2022 jylǵy Tujyrymdamaǵa memlekettik, kvazımemlekettik jáne jeke sektor sýbektileriniń qazaqstandyq baǵaly qaǵazdaryn satyp alýǵa, aktsııalar paketterin, qazaqstandyq kompanııalardyń qatysý úlesterin satyp alýǵa, ekinshi deńgeıdegi bankterdi qorlandyrýǵa, UQ-dan zańdy jáne jeke tulǵalarǵa tikeleı kredıt berýge, «QazMunaıGaz» UK» AQ aktsııalaryn satyp alýdy qospaǵanda, aktıvterdi mindettemelerdiń oryndalýyn qamtamasyz etý retinde paıdalanýǵa tyıym salatyn tolyqtyrýlar engizilgeni jazylǵan. 

«Jalpy, Ulttyq qordyń buryn salynǵan qarajatynan otandyq kompanııalardyń («Báıterek» UBH» AQ, «Samuryq-Qazyna» UÁQ» AQ) oblıgatsııalyq qaryzdaryna túsetin syıaqylar túrindegi túsimderdiń mólsheri tómen deńgeıde qalyp otyr. Bul jaǵdaı kiristiligi uzaq merzimdi sıpatqa ıe áleýmettik baǵdarlanǵan obektiler men strategııalyq mańyzy bar obektilerdiń qurylysyna ınvestıtsııalar salýmen túsindiriledi. Esepti kezeńde mundaı qaryzdar boıynsha syıaqy retinde Ulttyq qorǵa nebary 73,2 mlrd teńge tústi», - delingen Joǵary aýdıtorlyq palatanyń esebinde.