Ulttyq qordan balalarǵa bólinetin jınaqtar salyqtan bosatylady

<p>Búgin Májilistiń jalpy otyrysynda &laquo;Salyq jáne bıýdjetke tólenetin basqa da mindetti tólemder týraly&raquo; Kodekske jáne &laquo;Salyq jáne bıýdjetke tólenetin basqa da mindetti tólemder týraly&raquo; Kodeksti qoldanysqa engizý týraly&raquo; Zańǵa ózgerister men tolyqtyrýlar engizý týraly&raquo; Zańy men ilispe qujat ekinshi oqylymda qabyldandy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Zań jobalary Memleket basshysynyń jekelegen tapsyrmalarynyń oryndalýyn zańnamalyq qamtamasyz etý maqsatynda ázirlendi, sondaı-aq, Konstıtýtsııalyq sottyń 2023 jylǵy 22 aqpandaǵy Normatıvtik qaýlysyn iske asyrýǵa, salyq zańnamasynyń keıbir normalaryn jaqsartýǵa jáne naqtylaýǵa baǵyttalǵan», - dedi depýtat Murat Ergeshbaev.

Osy zań jobasy aıasynda mynalar usynyldy:

- Ulttyq qordan bólinetin balalarǵa arnalǵan nysanaly jınaqtardy kiris retinde qarastyrmaý;

- kollektorlyq agenttik, mıkroqarjy uıymdary bereshekterin keshirgen kezde, jeke tulǵanyń kirisi retinde qarastyrmaý;

- jeke tulǵalardyń mıkrokredıtteri boıynsha bereshekterin esepten shyǵarýǵa baılanysty, mıkroqarjy uıymdarynyń kiristerin salyq salýdan ýaqytsha úsh jylǵa bosatý.

Bıyldyń 18 qazanynda zań jobalary Parlament Májilisiniń jalpy otyrysynda birinshi oqylymda maquldanǵan.

Negizgi zań jobasyn qarastyrý kezinde depýtattardyń keıbir usynystary eskerildi. Qazaqstan Respýblıkasynyń azamattary Konstıtýtsııalyq sotqa aryz berý barysynda memlekettik bajdy tólemeıdi. Qujatta bajdyń mólsheri nóldik stavkada belgilendi.

Sonymen qatar, býkmekerlik keńse jáne totalızator qyzmetin júzege asyratyn oıyn bıznesin uıymdastyrýshylardyń apparattyq-baǵdarlamalyq keshenderin salyq organynyń aqparattyq júıelerimen ıntegratsııalanýdy qamtamasyz etý jónindegi mindet engizý qarastyrylǵan.

Іlespe zań jobasy aıasynda Azamattyq protsestik, Ákimshilik rásimdik-protsestik kodeksterge jáne «Arnaıy ekonomıkalyq jáne ındýstrııalyq aımaqtar týraly» Zańǵa ózgerister men tolyqtyrýlar engiziledi.

Atap aıtqanda, arnaıy ekonomıkalyq jáne ındýstrııalyq aımaqtardyń qatysýshylary men basqarýshy kompanııalary úshin olardyń jobalarynyń qunyna qaraı salyqtyq jeńildikter berýdiń saralanǵan tásilin engizý usynyldy.