Ulttyq qordan ár balaǵa qansha aqsha aýdarylatyny áli belgisiz – vıtse-mınıstr

<p>Qarjy vıtse-mınıstri Erjan Birjanov Ulttyq qordan bala shotyna aýdarylatyn aqshanyń somasy áli eseptelip bitpegenin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Qazirgi tańda esep júrgizilip jatyr. Jalpy Qazaqstandaǵy 18-ge tolmaǵan balalardyń sany 7 mln 200 myń bolyp otyr. Al 18-ge tolǵan, birinshi etapta tólem alatyn azamattardyń sany qazirgi tańda 300 myńǵa jýyq. Olar boıynsha qazir sońǵy esepter júrgizilip jatyr. Osy aıdyń aıaǵyna deıin qorytyndysy bolý kerek dep oılaımyn. 18-ge tolǵan 300 myń adam boıynsha qarajat aýdarylady. Somasy sanaýly. Jobalyq soma bar. Biraq qatelespeý úshin ony ázirge aıta almaımyn», - dedi Erjan Birjanov.

2024 jyldyń 1 qańtarynan bastap «Ulttyq qor – balalarǵa» jobasy resmı qoldanysqa endi. Aldyn ala málimet boıynsha, joba alǵashqy jyldyń ózinde 7 mıllıonnan astam balany qamtıdy. Kazinform osy 7 mıllıonnan astam balanyń ata-anasyna arnap, jobanyń eń mańyzdy tustaryn tizip shyqqan bolatyn. 18-ge tolmaǵan balasy bar ata-ana neni eskerýi kerektigi jónindegi materıalǵa myna silteme boıynsha óte alasyz.