Ulttyq qordan alynǵan qarajat qaıda jumsalady

<p>ASTANA. KAZINFORM &ndash; Premer-Mınıstrdiń orynbasary &mdash; Ulttyq ekonomıka mınıstri Nurlan Baıbazarov Ulttyq qordan alynǵan qarajatty qaıda jumsaý josparlanyp otyrǵanyn aıtty.</p>

Mınıstrdiń aıtýynsha, Ulttyq qor qarajaty ınfraqurylymdyq jobalardy damytýǵa baǵyttalady. Sonymen birge, Ulttyq qorǵa túsimderdi fıskaldyq jáne bıýdjettik sharalar arqyly ulǵaıtý josparlanǵan. 

«Biz olardy kúsheıtýge daıynbyz. Ulttyq qordan beriletin transfertterge kelsek, salyq salynatyn bazany keńeıtýge múmkindik beretin ekonomıkany damytý mańyzdy. Jalpy, transfertter qarajaty Memleket basshysynyń tapsyrmasy boıynsha mańyzdy ulttyq jáne ınfraqurylymdyq jobalardy iske asyrýǵa baǵyttalatyn bolady», - dedi N.Baıbazarov Senat otyrysynda.

Oǵan qosa, mınıstr qazir 17 joba bar ekenin atap ótti, biraq olardyń sany artady.

«Biz birqatar jańa jobalardy qarastyryp jatyrmyz. Olardy iske asyrý aýqymdy qarajatty qajet etedi, biraq olar bıýdjetten bólinbeıdi, jeke sektordan ınvestıtsııa túrinde tartylady. Biz bul jumysty bastadyq, Úkimettiń mindeti – iri jobalardy iske asyrý, olardyń esebinen – ekonomıkany damytý jáne salyq salynatyn bazany keńeıtý», - dep tolyqtyrdy Nurlan Baıbazarov.

Buǵan deıin Nurlan Baıbazarov elimizde ınflıatsııany tejeý boıynsha qabyldanyp jatqan sharalar týraly aıtyp berdi.