«Ulttyq qor - balalarǵa» jobasynda eń kóp qarajat qaı oblysqa aýdaryldy

<p>ASTANA. KAZINFORM &ndash; &laquo;Ulttyq qor - balalarǵa&raquo; jobasynda qatysýshy balalardyń eń kóp sany Túrkistan oblysynda turady. Óńirde 922 myń balaǵa 92 myńnan astam AQSh dollary aýdarylǵan. Bul týraly &laquo;Biryńǵaı jınaqtaýshy zeınetaqy qory&raquo; AQ Basqarýshy dırektory Murat Sháripov aıtyp berdi.</p>

Aıta keteıik, jyl basynan beri baǵdarlama aıasynda 6,9 mln balanyń esepshotyna 100,52 AQSh dollary mólsherinde qarajat aýdaryldy.

«Statıstıkalyq derekter boıynsha nysanaly talaptarǵa qatysýshy balalardyń eń kóp sany Túrkistan oblysynda turady. Bul óńirde 922 841 balaǵa 92 763 myń AQSh dollary eseptelgen. Onyń ishinde 18 jasqa tolatyn 41 968 balaǵa 4 218 myń AQSh dollary tústi», - dedi M. Sháripov Ortalyq kommýnıkatsııalar qyzmetinde ótken baspasóz máslıhatynda. 

Foto: Ortalyq kommýnıkatsııalar qyzmeti

Balalar sany boıynsha ekinshi orynda – Almaty qalasy tur, 666 443 balaǵa 66 990 myń AQSh dollary eseptelgen. Onyń ishinde 18 jasqa tolatyn 26 621 balaǵa 2 675 myń AQSh dollary tústi.

Úshinshi orynda – Almaty oblysy tur, 608 711 balaǵa 61 187 myń AQSh dollary eseptelgen. Onyń ishinde 18 jasqa tolatyn 26 802 balaǵa 2 694 myń AQSh dollary tústi.

Buǵan deıin Murat Sháripov 18 jasqa tolǵan 63 balaǵa joba qarajaty tólengenin aıtqan edi.