«Ulttyq qor – balalarǵa»: mınıstrlik bir balaǵa aýdarǵan qarjy somasyn atady

<p>ASTANA. KAZINFORM &ndash; 2023 jyly Ulttyq qordyń qarajatyn basqarý tıimdiligi boıynsha oń ózgerister baıqaldy. Bul týraly Májiliste 2023 jylǵa arnalǵan respýblıkalyq bıýdjettiń atqarylýy týraly Úkimet esebin baıandaǵan qarjy vıtse-mınıstri Dáýren Temirbekov aıtty.</p>

«Ulttyq qordyń aktıvteri onyń aldyndaǵy jylǵa qaraǵanda 10 paıyzǵa ósip, 65,7 mlrd AQSh dollaryn qurady», - dedi D. Temirbekov.

Mınıstrlik málimetinshe, keıingi 3 jylda Ulttyq qor aktıvteri ósýiniń oń dınamıkasy baıqaldy:

1. 2021 jyl - 59,4 mlrd AQSh dollary (onyń ishinde valıýtalyq aktıvter - 55,3 mlrd AQSh dollary)

2. 2022 jyl - 57,9 mlrd AQSh dollary (onyń ishinde valıýtalyq aktıvter - 55,7 mlrd AQSh dollary)

3) 2023 jyl 65,7 mlrd AQSh dollary (onyń ishinde valıýtalyq aktıvter - 60,0 mlrd, AQSh dollary).

Kepildendirilgen transfert 2022 jylǵy 4 trln teńgeden 2023 jyly 2,2 trln teńgege (eki esege jýyq) deıin tómendedi. 2024 jyldan bastap kepildendirilgen transfert mólsheri jylyna 2 trln teńgeden aspaıdy.

Sonymen qatar, «Ulttyq qor – balalarǵa» baǵdarlamasy boıynsha 2024 jyly 1 balaǵa eseptelgen soma 100,52 AQSh dollaryn qurady.