«Ulttyq qor - balalarǵa» – 18 jasqa tolǵan balalar qarajatyn alyp jatyr

<p>ASTANA. KAZINFORM &ndash; &laquo;Ulttyq qor - balalarǵa&raquo; baǵdarlamasy aıasynda 18-ge tolǵan 63 bala qarajatyn alyp úlgerdi. Bul týraly &laquo;Biryńǵaı jınaqtaýshy zeınetaqy qory&raquo; AQ Basqarýshy dırektory Murat Sháripov aıtyp berdi.</p>

Jyl basynan beri baǵdarlama aıasynda 6,9 mln balanyń esepshotyna 100,52 AQSh dollary mólsherinde qarajat aýdaryldy.

«Osy 6,9 mln balanyń 304 815-i bıyl 18 jasqa tolady. Sondyqtan ol azamattardyń jınaqtaýshy shottaryna nysanaly jınaqtar retinde aqsha tústi. Baǵdarlama júzege asyrylǵan 9 kúnde BJZQ-ǵa júzden astam ótinish kelip tústi. Onyń ishinde bilim berý aqysyn tóleý týraly 54, turǵyn úı jaǵdaılaryn jaqsartý týraly – 49 ótinish bar. Ázirge 63 ótinish oryndaldy, belgilengen bank shottaryna tólemder júrgizildi, 21 ótinish qarastyrylýda», - dedi M. Sháripov Ortalyq kommýnıkatsııalar qyzmetinde ótken baspasóz máslıhatynda.

Sonymen birge, spıker 19 ótinishtiń qabyldanbaý sebebin túsindirdi.

«Keıbir azamattar birneshe ótinish bergen, somasyn nemese derekterin qate kórsetken. Olar ótinishterin túzep, qaıta bere alady. Tolyq aqparat enpf.kz saıtyndaǵy «Kórsetkishter» bóliminde ornalastyrylǵan», - dep túsindirdi ol.