Ulttyq kıno ortalyǵy memlekettik qoldaýǵa úmitker jobalardy irikteýdiń birinshi kezeńin aıaqtady

<p>ASTANA. KAZINFORM - Ulttyq kınon ortalyǵy memlekettik qoldaýǵa úmitker kınojobalardy irikteýdiń birinshi kezeńine stsenarııler men stsenarıı josparlaryn qabyldaýdyń aıaqtalǵanyn habarlaıdy.</p>

Elektrondy túrde tirkelgen stsenarııler men stsenarıı josparlarynyń jalpy sany – 465.

«2024 jyly anımatsııalyq, derekti jáne oıyn fılmderiniń ártúrli sanattary boıynsha birshama ótinim kelip tústi. Anımatsııa salasynda 44 ótinim berilgen, onyń 37-si saraptamalyq keńestiń qaraýyna jiberildi, al 7-eýi qabyldanbady. Derekti fılmder sanatynda 70 ótinim berildi, onyń 57-si saraptama keńesine jiberildi, al 13-i qabyldanbady. Oıyn fılmderine keletin bolsaq, 351 ótinim tústi, onyń 277-si saraptama keńesiniń qaraýyna berildi, al 74-i qabyldanbady. Ótinimderdiń qabyldanbaý sebepteri: ótinimderdiń bir joba boıynsha bir kompanııadan qaıta berilýi, stsenarııler men stsenarıı josparynyń bolmaýy, kompanııadan konkýrstyń bir baǵytyna ekeýden artyq ótinim túsýi. Qalǵan ótinimder saraptama keńesiniń qaraýyna joldandy», – dep málimdeıdi ortalyqtyń baspasóz qyzmeti.

Konkýrsqa qatysý úshin qujattardy qabyldaý 12-18 sáýir aralyǵynda júrgizildi.

Atap ótý kerek, 10 sáýirde Almatyda kınoındýstrııa ókilderimen kezdesý uıymdastyryldy, sonymen qatar 8-18 sáýir aralyǵynda úsh baǵyt boıynsha konsýltatsııalyq qoldaý sharalary júrgizildi.

Astana jáne Almaty qalalaryndaǵy ortalyq keńsesinde jeke konsýltatsııalar, telefon qońyraýlary arqyly suraqtarǵa jaýap berildi, áleýmettik jelide jańa erejege, konkýrsqa qatysty qajetti málimetter jarııalandy.