Ulttyq qaýipsizdikke nuqsan keltirgen áleýmettik jeli jabylady – mınıstr

<p>ASTANA. KAZINFORM &ndash; Májilistiń jalpy otyrysynan keıin BAQ ókilderi Mádenıet jáne aqparat mınıstri Aıda Balaevadan áleýmettik jelilerdegi kontent mazmuny, keıbir jelilerdiń jabylýy týraly suraǵan edi.</p>

«TikTok, Facebook, Instagram basqa da áleýmettik jelilerde ulttyq qaýipsizdikke nuqsan keltirýge jol bermeımiz. Qazir áleýmettik jelilerdegi zańsyz kontentter anyqtalyp, der kezinde alynyp jatyr. Bul baǵytta biz áleýmettik jelilerdiń ákimshiligimen tyǵyz qarym-qatynasta jumys isteýdemiz. Sebebi olar depýtattardyń birneshe saýalynan keıin jaýapkershilikpen qarap otyr», - dep ún qatty Aıda Balaeva. 

Odan ári mınıstr áleýmettik jeliniń balalardyń psıhıkasyna áseri týraly aıta kele, qaýipsizdik máselesi aldyńǵy orynda ekenin málimdedi. 

«Eger ulttyq qaýipsizdikke nuqsan kelgen jaǵdaıda álbette jabylady (red- áleýmettik jeli), biraq, qazir ol suraq kún tártibinde turǵan joq», - deıdi vedomstvo basshysy. 

Aıta ketsek, Mádenıet jáne aqparat mınıstri Tik Tok-ty buǵattaýǵa qatysty buǵan deıin de pikir bildirgen edi. 

Eske sala keteıik, 2022 jyly Tik Tok Qazaqstanda óz ókildigin ashýǵa nıetti ekeni sóz bolǵan edi.