Ulttyq qaýipsizdik komıteti kásipkerlerden aqsha bopsalaǵan eki adamdy ustady
09:29, 12 Naýryz 2024
<p>ASTANA. KAZINFORM – Ulttyq qaýipsizdik komıteti prokýratýranyń úılestirýimen bopsalaý kúdigi boıynsha Aqmola oblysynyń 2 turǵynyn ustady.</p>
Tergeý materıaldary boıynsha, olar sheteldik «zańdaǵy urylar» dep atalatyndardyń qamqorlyǵymen kásipkerlerden aqsha bopsalaýmen aınalysqan. Osylaısha «Býrabaı» kýrort aımaǵynyń bıznes sýbektilerine qylmystyq baqylaý ornatýǵa tyrysqan.
Tintý barysynda is fıgýranttarynan atys jáne sýyq qarý, sondaı-aq esirtki zattary alyndy. Qylmystyq kodekstiń 194-baby 3-bóliginiń 2-tarmaǵy boıynsha sotqa deıingi tergep-tekserý júrgizilip jatyr.
Sottyń sanktsııasymen ustalǵan adamdarǵa qamaýda ustaý túrindegi bultartpaý sharasy qoldanyldy. Ózge aqparat Qylmystyq-protsestik kodekstiń 201-baby 1-bóligine sáıkes jarııa etýge jatpaıdy.