Ulttyq qaýipsizdik komıteti elimizde uıymdastyrylmaq bolǵan eki teraktiniń aldyn aldy

<p>QR Ulttyq qaýipsizdik komıtetiniń ókilderi byltyr elimizde uıymdastyrylmaq bolǵan eki terrorlyq árekettiń jáne sheteldiń arnaýly qyzmetterimen birge ózge memleketterdiń aýmaǵynda úsh lańkestik aktsııanyń aldyn aldy.</p>

Bul málimettermen búgin Memleket basshysy Qasym-Jomart Toqaevqa 2023 jyly atqarylǵan jumystar týraly esep bergen QR Ulttyq qaýipsizdik komıtetiniń tóraǵasy Ermek Saǵymbaev tanystyrdy.

Ol keltirgen derekterge qaraǵanda, ótken 2023 jyly lańkestik jáne ekstremıstik qylmystar jasaǵany úshin 43 adam sottalǵan.

«Jyl boıy Ulttyq qaýipsizdik komıtetiniń úılestirýimen terrorızmge qarsy 208 komandalyq-shtabtyq jáne 196 jedel-taktıkalyq oqý-jattyǵý jıyny ótti»,-dedi komıtet tóraǵasy.

Sondaı-aq ol ekonomıkalyq qaýipsizdikti qamtamasyz etý jáne jıi kezdesetin sybaılas jemqorlyqqa qarsy kúres jumystarynyń nátıjesi jóninde baıandady.

Ermek Saǵymbaevtyń atýynsha, qabyldanǵan sharalar nátıjesinde jalpy 1,5 trıllıon teńgeden astam qarjy túsken, sonyń ishinde memlekettik bıýdjetke qaıtarý bastamasy aıasynda 680 mıllıard teńgeden asa qarjy qaıtarylǵan.