Ulttyq dıalogty uıymdastyrý úshin ýaqyt qajet — Sırııa Syrtqy ister mınıstri

<p>ASTANA.KAZINFORM &mdash; Bul málimdemeni seısenbi kúni Sırııa Syrtqy ister mınıstri Asad ash-Shaıbanı jasady, dep habarlaıdy Kazinform agenttiginiń <a href="https://www.inform.kz/ru/potrebuetsya-vremya-dlya-organizatsii-natsionalnogo-dialoga-glava-mid-sirii-bab060" target="_blank" rel="noopener">menshikti tilshisi</a>.&nbsp;</p>

Onyń aıtýynsha, Sırııa ulttyq dıalog jónindegi konferentsııany uıymdastyrýǵa asyqpaıdy.

Konferentsııanyń maqsaty — eldiń burynǵy prezıdenti Bashar Asad ketkennen keıingi eldiń jańa baǵytyn aıqyndaý úshin ártúrli saladaǵy sırııalyqtardy biriktirý.

— Biz Sırııa qoǵamy men bıliginiń barlyq sektorlarynyń jan-jaqty ókildigin qamtamasyz ete alatyn daıyndyq komıtetin qurý múmkindigin alý úshin ulttyq dıalog konferentsııasyn ótkizýge asyqpaımyz, — dedi ash-Shaıbanı.

Bul málimdeme Sırııa delegatsııasynyń Iordanııa bıligimen kelissózderge qatysý úshin Ammanǵa sapary barysynda aıtyldy.

Reıter agenttigi buǵan deıin jańa úkimet konferentsııanyń ótetin kúnin áli sheshpegenin, al jaqynda oppozıtsııalyq toptardyń birneshe múshesi shaqyrtý almaǵanyn habarlady.

Túrkııa prezıdenti Rejep Taıyp Erdoǵan seısenbi kúni Sırııa eli esin jıyp, Asadty qulatqannan keıin qalpyna kelý úshin ýaqyt kerek dedi. Ol 13 jylǵa sozylǵan azamat soǵysynda ınfraqurylymǵa keltirilgen zalal kútkennen de aýyr bolǵanyn atap ótti.

Bashar Asad 8 jeltoqsanda bılikten qulaǵannan beri Túrkııa kórshisin qalpyna keltirý úshin qandaı kómek qajet bolsa, kómektesetinin birneshe ret aıtyp, elektr qýatyn jetkizý máselesin talqylaý úshin úkimet delegatsııasyn jiberdi.

Eske sala keteıik, buǵan deıin AQSh Sırııaǵa qarsy sanktsııalaryn jeńildetetinin jazǵan bolatynbyz.