Ulttyq bıatlon quramasy álem chempıonatynda alǵash ret úzdik ondyqqa endi

<p>ASTANA. KAZINFORM &ndash; Otandyq bıatlon tarıhynda alǵash ret ulttyq qurama álem chempıonatynda úzdik ondyqqa endi.</p>

Qazaqstan bıatlonshylar odaǵynyń baspasóz qyzmetinen málim etkendeı, Chehııanyń Nove-Mesto qalasynda ótip jatqan álem birinshiliginde bıatlonnan erler quramasy estafeta saıysynda úzdik ondyqqa endi.

Bul jarysta el namysyn Aleksandr Mýhın, Vladıslav Kıreev, Aset Dıýsenov jáne Nıkıta Akımov qorǵady.

Jarys alańyna alǵash bolyp Aleksandr Mýhın shyqty.

Ol barlyq nysanaǵa dál tıgizip, jeńimpazdan +0.9 sekýnd aıyrmashylyqpen estafetany úzdik úshtiktiń qatarynda Vladıslav Kıreevke tapsyrdy.

Vladıslav Kıreev alǵashqy jatyp atý kezeńinde 3 qosymsha oqtyń kómegimen, al turyp atý kezinde birden barlyq mejege dóp tıgizdi.

Ol estafetany Aset Dıýsenovke úzdik tórttiktiń qatarynda tapsyrdy.

Jarys alańyna shyqqan Aset Dıýsenov birinshi aınalymda 2 oǵy qıys ketip, qosymsha oqtyń kómegimen barlyq nysanany japsa, ekinshi aınalymda mergendik tanytyp, taza atty.

Dıýsenovten keıin básekeni alǵash ret eresekter arasyndaǵy álem chempıonatyna qatysýshy Nıkıta Akımov jalǵastyrdy.

Ol birinshi aınalymda 3 qosymsha, ekinshi aınalymda 2 qosymsha oq paıdalanyp, komandany úzdik ondyqtan túsirmedi.

Osylaısha jyldyń basty starty óz máresine jetti.