Ulttyq Bank jeltoqsanda Ulttyq qordan 600-den 700 mln AQSh dollaryna deıingi mólsherde valıýta satpaq

<p>Ulttyq Bank jeltoqsanda Ulttyq qordan 600-den 700 mln AQSh dollaryna deıingi mólsherde valıýta satýdy aldyn ala josparlap otyr. Ol Úkimettiń qolda bar boljamdyq baǵdarlary negizinde júzege asady, dep habarlaıdy <a href="https://kaz.inform.kz/" target="_blank" rel="noopener">Kazinform</a> Ulttyq bankiń <a href="https://www.nationalbank.kz/kz/news/informacionnye-soobshcheniya/16130" target="_blank" rel="noopener">baspasóz</a> qyzmetine silteme jasap.</p>

BJZQ zeınetaqy aktıvteriniń valıýtalyq úlesin ustap turý úshin jeltoqsanda 100-den 200 mln AQSh dollaryna deıingi mólsherde, al Qazaqstannyń depozıtterge kepildik berý qory aktıvteriniń valıýtalyq úlesin arttyrý úshin 30-dan 50 mln AQSh dollaryna deıingi mólsherde valıýta satyp alynýy kútilip otyr.

Ulttyq Bank transparenttilik qaǵıdaty aıasynda valıýta naryǵynda júrgiziletin barlyq operatsııa týraly aqparatty tolyq ashyp kórsetedi. Qysqa merzimdi perspektıvada teńge dınamıkasy naryqqa qatysýshylardyń kútýlerine, toqsandyq salyq tólemderine, álem naryǵyndaǵy jaǵdaıǵa jáne geosaıası jaǵdaıdyń ózgerýine baılanysty bolady.

«Ulttyq Bank teńgerimsizdik jınaqtalýyn boldyrmaıtyn jáne altynvalıýta rezervteriniń saqtalýyn qamtamasyz etetin ıkemdi baǵam belgileý rejımin ustanýdy jalǵastyrady»,-delingen habarlamada.