Ulttyq bank valıýta aıyrbastaýdyń jańa erejesin bekitedi

<p>ASTANA. KAZINFORM &ndash; Ulttyq Bank &laquo;Aıyrbastaý pýnktteri arqyly júrgiziletin operatsııalar boıynsha teńgege shetel valıýtasyn satyp alý baǵamynyń satý baǵamynan aýytqý shekterin belgileý týraly&raquo; Qazaqstan Respýblıkasy Ulttyq Bankiniń Basqarma qaýlysynyń jobasy ázirlengenin habarlaıdy.&nbsp;</p>

Jobaǵa sáıkes aıyrbastaý pýnktteri arqyly júrgiziletin operatsııalar boıynsha teńgege shetel valıýtasyn satyp alý baǵamynyń satý baǵamynan aýytqý shegi AQSh dollary úshin — 7 teńge, eýro úshin — 10 teńge dep belgileý usynylady. 

— Usynylǵan ózgerister, eń aldymen, valıýta naryǵyndaǵy alypsatarlyq áreketterdi tómendetýge, sondaı-aq qarjy naryǵyna qatysýshylardyń táýekelderin seıiltýge baǵyttalǵan, - delingen habarlamada.

Bul shekteýler qolma-qol aqshasyz nysanda júrgiziletin aıyrbastaý operatsııalaryna áser etpeıdi. 

Qaýly jobasynyń tolyq mátinimen Qazaqstan Ulttyq Bankiniń resmı saıtynda tanysýǵa bolady.

Eske sala keteıik, buǵan deıin aqsha aıyrbastaý oryndarynda dollar qansha teńgeden saýdalanyp jatqanyn jazǵan edik.