Ulttyq bank tóraǵasy dollar baǵamyna qatysty túsinik berdi

<p>ASTANA. KAZINFORM &ndash; Ulttyq bank tóraǵasy Tımýr Súleımenov dollar kýrsyna qatysty pikir bildirdi.&nbsp;</p>

Ulttyq bank basshysynyń aıtýynsha, teńge baǵamy suranys pen usynystyń áserine qaraı qalyptasady. Óıtkeni ulttyq valıýta erkin aınalymda bolady. 

«Kýrs baǵamyn ondaǵan, júzdegen myń adam qalyptastyrady. Eger siz 1 000 dollar satqan bolsańyz, demek siz usynysty arttyrdyńyz, al satyp alsańyz, suranysty arttyryp otyrsyz», - dep túsindirdi Májilistiń jalpy otyrysy barysynda BAQ ókilderiniń saýalyna jaýap bergen Tımýr Súleımenov. 

Ulttyq banktiń 30 qazanǵa arnalǵan resmı baǵamy – 1 dollarǵa 491,70 teńge. Reseı rýbliniń ortasha saralanǵan quny – 5,07 teńge. Eýro –531,28 teńge. 

«Eger AQSh saılaýy jáne OPEK + sheshiminen keıin aıtarlyqtaı geosaıası ózgerister bolmasa jáne bizdiń ishki ekonomıkamyzda qandaı da bir qubylys bolmasa, meniń oıymsha, kýrs baǵamy aǵymdaǵy mánde bolady», - dep tolyqtyrdy. 

Buǵan deıin Ulttyq bank tóraǵasy 2025 jylǵy ınflıatsııa dınamıkasyna qatysty túsinik berdi.

Sondaı-aq Tımýr Súleımenov bıyl toǵyz aıdyń ishinde jalpy ishki ónim 4 paıyzǵa artqanyn aıtqan edi.