Ulttyq bank tóraǵasy bıylǵy ınflıatsııaǵa túsinik berdi
«Bıyl jahandyq ekonomıka geosaıası turaqsyzdyq aıasynda qalyptasyp keledi. Biz álemdegi birqatar áskerı qaqtyǵystardyń saldarynan naryqta joǵary qubylmalylyqty, saýda jáne kapıtal aǵyndarynda ózgeristerdi baıqap otyrmyz. Bul jalpy ekonomıkalyq dınamıkaǵa áser etip otyr. Elimizdiń ekonomıkasy úshin mańyzdy faktor sanalatyn munaı baǵasynyń birshama tómendeý táýekeli baryn atap ótemin. Bul táýekelderge qaramastan, Qazaqstandaǵy qazirgi ekonomıkalyq jaǵdaı jalpy ishki ónimniń oń ósýimen sıpattalady. Bıylǵy 9 aıda jalpy ishki ónim 4 paıyzǵa ósti. Ósim ekonomıkanyń barlyq salasynda baıqalyp otyr», - dedi T. Súleımenov.
Onyń aıtýynsha, ınflıatsııa byltyrǵy aqpandaǵy eń joǵary kórsetkishpen salystyrǵanda 2,5 eseden astam tómendedi. Alaıda, bul kórsetkish áli de Ulttyq banktiń 5% targetinen alys.
«Inflıatsııa birneshe aı qatarynan baıaýlaǵannan keıin, qazan aıynda 8,5% deıin jedeldedi. Aqyly qyzmetter baǵasynyń 14,3%-ǵa ósýi ınflıatsııanyń jedeldeýine negizgi úles qosty. Bul «Investıtsııany tarıfke aıyrbastaý» baǵdarlamasy men birqatar naryqtyq qyzmetterdiń qymbattaýyna baılanysty boldy. Óndiris shyǵyndary men ımporttyq baǵalar óskendikten, azyq-túlikke jatpaıtyn taýarlar baǵasy 7,8%-ǵa jedeldedi. Bul rette azyq-túlik taýarlarynyń 4,9%-ǵa baıaý ósýi jalpy ınflıatsııany birshama báseńdetýge yqpal etti. Jalpy alǵanda, Ulttyq banktiń ustamdy qatań aqshakredıt saıasaty jáne Úkimettiń ınflıatsııaǵa qarsy sharalarynyń nátıjesinde baǵa dınamıkasy bizdiń boljamymyzǵa sáıkes qalyptasyp keledi. Osy jyldyń qorytyndysy boıynsha ınflıatsııa 8-9% aralyǵynda qalyptasýy múmkin», - dedi UB basshysy.
Onyń paıymynsha, syrtqy sektorda da, ishki ekonomıkada da boljam boıynsha eleýli táýekelder bar.
«Іshki ınflıatsııalyq faktorlardyń ishinen – Ulttyq qordan bólinetin transfertter kóleminiń ulǵaıǵanyn erekshe atap ótken jón. Respýblıkalyq bıýdjet Ulttyq qordyń transfertterine aıtarlyqtaı súıenetinin atap ótken jón. Osynyń saldarynan munaıdan tys tapshylyq ta edáýir bolyp otyr. Bul ındıkator elimiz úshin memlekettik qarjy teńgeriminiń mańyzdy kórsetkishi sanalady. Bıyl Ulttyq qordan tartylǵan tikeleı transfertter kólemi 5,6 trln teńgeni qurady. Al Qordan alynǵan jalpy qarajat 6 trln teńgeden asady. Nátıjesinde, Ulttyq qordyń túsimderi men odan alynǵan qarajat balansy buzylyp otyr. ıAǵnı, qarajat alý – túsimnen joǵary. Bul eleýli proınflıatsııalyq faktor sanalatynyn buǵan deıin de aıtqanbyz», - dedi ol.
Osyǵan deıin bıyl respýblıkalyq bıýdjettiń kiristeri 14,1 trln teńge kóleminde baǵalanǵanyn, bul bekitilgen jospardan 2 trln teńgege tómen ekeni týraly habarladyq, Sebebin QR Ulttyq ekonomıka mınıstri túsindirdi.